Subvencionimi i fluturimeve çartër për shpëtimin e sezonit veror turistik vonoi, mendojnë operatorë turistikë nga Burgas. Ata ngulin këmbë për më shumë zhdërvjelltësi në përkrahjen e turizmit, subvencionim të transportit me autobusë dhe përgatitje që tani për stinën dimërore. Sipas kryetarit të Dhomës Turistike në qytetin Burgas Ivan Ivanov nuk ka nga ku të vijnë 400 mijë turistët e pritur sivjet, sepse në gusht nuk u zgjidh çështja me dy tregje të mëdha turistike – atë në Rusi dhe Britani. Në Burgas u planifikuan të mbërrijnë më se 1500 fluturime çartër, shumica nga Gjermania dhe Rusia. Mirëpo, në këtë sfond Gjermania planifikon kufizimin e udhëtimeve për në Bullgari për shkak të situatës me kronavirusin, ndërsa fluturimet nga Rusia anulohen, njoftoi korrespondentja e RKB Daniella Kostadinova.