Kreu i Shtetit Rumen Radev u dorëzoi urdhra bullgarëve të shquar. Rumen Radev tha se krenohet për t’i dhënë këto çmime në vigjilje të 1 nëntorit – Dita e Iluministëve bullgarë.

Ivan Terziev – regjisor dhe pedagog, mori urdhrin “Shenjtorët Kirill dhe Mertodij” me gjerdan. Regjisori Nikollaj Georgiev, Rashko Ivanov, i cili ka punuar shumë vite me radhë në fushën e marrëdhënieve bullgaro-kroate akademike dhe arkitekti Llozan Llozanov morën urdhrin “Shenjtorët Kirill dhe Metodij” – shkallë e parë. Donka Koprinkova, dirigjente dhe udhëheqëse artistike e korit “Sllavjansko Edinstvo” (“Uniteti Sllav”) mori urdhrin “Shenjtorët Kirill dhe Metodij” – shkallë e dytë.

Me urdhrin “Shenjtorët Kirill dhe Metodij” shkallë të parë u dekorua profesori Nikollaj Zheçev për kontributin e tij në shkencën historike. Studimet e tij kushtuara luftërave revolucionare të bullgarëve gjatë Rilindjes gjejnë njohje si në vendin tonë ashtu edhe jashtë shtetit.

Profesoresha Nevena Caçeva gjithashtu u dekorua me urdhrin “Shenjtorët Kirill dhe Metodij” shkallë të dytë për kontributin e saj në zhvillimin e arsimit mjekësor. Ajo është themeluesja dhe udhëheqëse e parë e katedrës “Mjekësi të punës” pranë Universitetit Mjekësor në Sofje.

Me medalje “Për merita” u dallua bashkëpunëtori i vjetër shkencor doktor Aleksandër Skordev për punën e tij në shkencat inxhinierie dhe për praktikën e tij si fizikan.