Në Qendrën për Mbrojtjen e Natyrës dhe të Kafshëve në qytetin Dobriç jo vetëm arushat e mëdha, por dhe rakunët Pizho, Penda dhe Santino ranë në një gjumë dimëror. Me ftohjen e kohës, metabolizmi i tyre vonohet dhe më shumë një herë në javë mund të shikohen që të ushqehen. Santino duhet të pakësojë mbipeshën, thotë drejtori i qendrës Hristian Hristov. Prej 21 kilogramësh rakuni ka mundur të bëhet 17 kilogramë me një dietë me panxhar, peshk, fruta dhe perime. Por do të hyjë në normë kur kandari do të tregojë 12 kilogramë. Aktualisht atë e ka zënë gjumi pranë një sënduku nën një tendë, ku është thatë dhe ngrohtë. Një shoqëri në gjumin e tij dimëror i bëjnë dy “vajza”. Gjatë vaksinimit të rakunëve ka dalë se njëri gabimisht është përcaktuar si mashkull dhe është quajtur Pizho, por megjithë atë emri i tij po mbetet i pandryshuar.