Sot festojmë Ditën Botërore të Rock and Roll-it, megjithëse ngjarja historike që shënon fillimin e kësaj feste është 12 prilli 1954, kur Bill Haley incizoi këngën e tij “Rock around the clock”, tregojnë burimet e BNR-së.

Një nga grupet e para rock në Bullgari është “Srebërni Grivni” /“Byzylykët e Argjendtë”/, themeluar në vitin 1964. Ky është dhe grupi i pari që u paraqit në Televizionin Kombëtar Bullgar. Repertori i tij përfshin përpunime muzikore të “Shadows” dhe muzikë folklorike bullgare me orkestrim rock, shkruan faqja e internetit bg-rock-archives.com.

Në vitin 1966 lindi një grup tjetër - “Shturcite” /“Torolecët”/, i cili u bë një legjendë për adhuruesit e rock-ut bullgar. Në mesin e viteve 80, u shfaqën disa nga bendet e para metalike, të tilla si “Atlantik”, “BTR”, “Era”, “Ahat” dhe “Epizod”.

Ju ofrojmë të shijoni interpretimin e “Byzylykëve të Argjendtë” - Shadoogie, nga viti 1965.