Pezullimi i gazit nga Gazprom është një shkelje e rëndë dhe shantazh për përdorimin e pagesës jashtëkontraktore në rubla nëpërmjet palëve të treta. Kjo nuk garanton as furnizimet dhe as paratë e bullgarëve. Ne nuk do të dorëzohemi para një reketi të tillë, tha Kryeministri. Qeveria bullgare është e përgatitur. Nuk do të ketë reduktim të furnizimit me gaz për konsumatorët, tha Petkov.

Kryeministri njoftoi se ka biseduar me homologun e tij grek Kiriakos Micotakis. Ai konfirmoi se gjithçka për lidhjen e gazit me Greqinë po shkon sipas planit dhe në qershor ajo do të jetë e përfunduar fizikisht.

“Kam folur edhe me Presidenten e Komisionit Evropian, zonjën von der Layen. Ajo tha se shkelja e njëanshme e kontratës nga Gazprom nuk është problem vetëm për Bullgarinë. Ky është problem i gjithë BE-së dhe përgjigja do të jetë e përbashkët”, shtoi Petkov.