Ministria e Jashtme e Bullgarisë shpalli se thirrjet për mbështetje për trupat ruse janë krejtësisht të papranueshme. Qëndrimi i Ministrisë vjen për shkak të postimit në Facebook të Ambasadës Ruse në Sofje. Ajo bën thirrje për donacione për ushtarët që marrin pjesë në një "operacionin special ushtarak" në Ukrainë, siç e quan Kremlini.

"Bullgaria kujton qëndrimin e saj se ne dënojmë fuqishëm agresionin e Rusisë kundër Ukrainës, i cili është një shkelje e rëndë e ligjit ndërkombëtar," deklaroi Ministria. “Thirrjet ndaj qytetarëve të BE-së për të mbështetur ushtrinë e përfshirë në këtë agresion të paligjshëm rus, si dhe për të shkelur sanksionet evropiane të vendosura ndaj Rusisë, janë absolutisht të papranueshme”, shtoi Ministria.