Konfederata e Sindikatave të Pavarura në Bullgari dhe Konfederata e Punës “Podkrepa” insistojnë në rritjen e të ardhurave për të kompensuar inflacionin e parashikuar për vitin, por jo më të ulët se 15 për qind, shpallën në një konferencë të përbashkët për media, udhëheqësit e dy sindikatave, Pllamen Dimitrov dhe Dimitër Manollov. Sipas tyre, paga minimale duhet të bëhet 850 leva (435 euro) nga 1 qershori dhe jo nga viti 2024, siç vendosi parlamenti. Nga fillimi i vitit të ardhshëm, të ardhurat më të ulëta duhet të rriten në 1000 leva (512 euro). Sindikatat po bëjnë gjithashtu thirrje për të vendosur një minimum pa taksa të barabartë me pagën minimale për të stimuluar konsumin dhe për të zvogëluar pabarazinë.