"Bullgaria ka argumente serioze për të shtyrë mbylljen e termocentraleve të qymyrit të paktën deri në vitin 2030. Ne po përballemi me një krizë serioze energjitike, një deficit rajonal". Kështu tha për BNR eksperti i energjisë dhe kryetari i Forumit Bullgar të Energjisë dhe Minierave, Ivan Hinovski. Problemi është se autoritetet bullgare nuk arrijnë t'i paraqesin qartë këto argumente në KE, siç bëri Serbia dhe shtyu afatet për mbylljen e termocentraleve të qymyrit (Serbia nuk është anëtare e BE-së, por merr pjesë në Planin e Tranzicionit të Drejtë), është i mendimit eksperti. Sipas tij, në 10-12 vitet e ardhshme Bullgaria duhet të investojë në sisteme për ruajtjen e energjisë nga burimet ripërtëritëse energjetike. Mjetet sipas planit për një tranzicion të drejtë janë rreth 800 milionë euro. Po të isha menaxher do të hiqja dorë nga këto para - aq fitohet në një vit nga termocentrali Marica Iztok 2”, komentoi Hinovski.