Ndërmarrja shtetërore e armëve - Sopot mund të prodhojë predha 155 mm, të cilat BE planifikon t'i furnizojë Ukrainës. Kështu deklaroi ministri i ekonomisë, Nikolla Stojanov. Por, sipas tij, bëhet fjalë për prodhim eksperimental dhe jo serial të municioneve të tilla në Bullgari. Javën e kaluar, BE miratoi një skemë për të furnizuar Ukrainën me 1 milion predha 155 mm, të cilat janë shumë shkatërruese. Vendet që kanë stoqe do të mund t'i dërgojnë ato, duke u kompensuar për këtë nga një fond i përbashkët evropian. Bullgaria refuzoi të bashkohej me një urdhër të tillë të përgjithshëm. Ministri i Mbrojtjes Dimitër Stojanov theksoi se ushtria bullgare nuk përdor predha 155 mm. Në të njëjtën kohë, presidenti Rumen Radev deklaroi se së bashku me Komisionin Evropian do të punojnë për më shumë investime në industrinë ushtarake dhe të mbrojtjes bullgare.