Bullgaria dëshiron të marrë pjesë me 20% në koncesionet e porteve greke në Kavala dhe Aleksandropolis, tha kryeministri Nikollaj Denkov pas kthimit të tij nga Athina, ku ishte për një vizitë njëditore së bashku me një delegacion qeveritar. Në muajt në vijim do të ketë zhvillim për këtë temë, njoftoi Denkov dhe sqaroi se pjesëmarrja bullgare do të jetë përmes një kompanie shtetërore. Greqia dëshiron të rezervojë kapacitet në depon e magazinimit të gazit në Çiren. Është konfirmuar edhe interesimi për ndërtimin e reaktorëve të rinj në centralin “Kozlloduj”. Athina mund të jetë investitore në blloqet e reja ose do të lidhë kontrata afatgjata për blerjen e energjisë elektrike nga centrali, shtoi kryeministri. U diskutua për ndërtimin e naftësjellësit "Burgas-Aleksandropolis", i cili do të furnizonte rafinerinë në Burgas me lëndë të para jo ruse. Brenda pak muajsh duhet të ketë një trase dhe të fillojë ndërtimi, shtoi kryeministri.