Për shkak të zjarrit që shpërtheu në territorin e komunave Kazanllëk dhe Mëglizh, i cili përfshiu 500 dynymë bimësi shkurresh dhe pyjore në një front të gjerë, guvernatorja e rajonit Iva Radeva vendosi një gjendje të pjesshme të jashtëzakonshme nga mbrëmja e 21 gushtit. Në orët e vona të pasdites, tetë ekipe të zjarrfikësve nga Stara Zagora, Mëglizh dhe Kazanllëk dhe dy ekipe nga Departamenti Shtetëror i Pyjeve u bashkuan në shuarjen e zjarrit. Për të ndihmuar u dërgua një helikopter dhe personel ushtarak nga baza ajrore në Krumovo. Gjendja e pjesshme e jashtëzakonshme do të vazhdojë deri më 28 gusht.