Bullgaria në listën e pesë vendeve anëtare të BE-së me financa më stabile

botuar më 09-10-22 11.55.PD

Analisti ekonomik Lëçezar Bogdanov nga Industry Watch

Foto: BGNES

Në raportin e fundit të Komisionit Evropian kushtuar politikës fiskale të vendeve anëtare të BE-së Bullgaria është në grupin e pesë shteteve me financa më stabile publike. KE vë në dukje faktin, se krahas Danimarkës, Finlandës, Suedisë dhe Estonisë radhitet dhe Bullgaria, pozicionet fiskale të së cilës janë shumë të qëndrueshme.

Për shkak të krizës në BE vihet re një keqësim i financave shtetërore dhe qëllimi i raportit është të tregojë vendet, buxhetet e të cilave fshehin rrezik për zhvillimin e ardhshëm të ekonomive të tyre për shkak të shpenzimeve të mëdha. Është alarmant dhe fakti, se me gjithë kufizimet e ndërmarra, deficitet buxhetore të shumë vendeve evropiane pritet të rriten mbi 6%. Gjatë viteve të fundit Bullgaria kishte jo deficit por tepricë në buxhet prej 3%. Tani qeveria ka ambicien vitin 2009 ta përfundojë me një saldo të balancuar duke respektuar proverbin e vjetër bullgar “të shtrijë këmbët sa ke jorganin”. Kështu shpenzimet nuk do të tejkalojnë të ardhurat.

Hyrja e Bullgarisë në grupin e pesë vendeve të para për nga stabiliteti financiar do të rrisë si imazhin e saj ashtu dhe vlerësimin e kredisë.

“Më e rëndësishme është se vënia e vendit tonë në grupin e më të mirëve për nga këto kritere pasqyron realitetin – komentoi raportin e KE-së analisti ekonomik Lëçezar Bogdanov nga Industry Watch. Gjatë viteve të fundit, ndryshe nga disa vende të tjera evropiane, Bullgaria me të vërtetë kishte një politikë shumë të balancuar fiskale. Dhe në fund të fundit kjo dha rezultate, dhe një prej tyre është se kriza reflekton në vendin tonë me një barë relativisht më të vogël.”

Kërkesat për hyrjen në zonën e euros lejojnë deficit deri në 3% në buxhetin e shtetit, kurse ne disa vite me radhë kemi tepricë mbi 3% në buxhet.

“Në praktikë kemi kursyer më shumë se sa ka qenë e nevojshme. Bullgaria arriti të zhvillojë një reformë fiskale, drejtuar te ulja e kuotave fiskale dhe njëkohësisht me këtë tregoi, se mund të ketë financa të qëndrueshme publike me tepricë buxhetore jo me deficit siç ndodhi në mjaftë vende të tjera evropiane.”

Ambicia e qeverisë të përpilojë një buxhet të balancuar për këtë dhe për vitin e ardhshëm, përveç angazhimit politik ka për qëllim dhe hyrjen e Bullgarisë në zonën e euros.

“Kjo është një objektivë e rëndësishme strategjike, ndoshta më e rëndësishmja mbasi tashmë kemi përmbushur objektivat e tjera afatgjata të vendit siç është anëtarësimi në NATO-në dhe në BE. Kështu qe ia vlen të tregohen këto përpjekje” – thotë analisti Lëçezar Bogdanov.

Ndryshe nga Belgjika, borxhi i jashtëm i së cilës është mbi 100% prej Produktit të brendshëm bruto dhe fsheh rrezik për ekonominë e vendit, Bullgaria ka një borxh shumë të vogël të jashtëm prej 15 % nga Produkti i brendshëm bruto. A jemi në grupin e më të mirëve edhe për nga ky tregues?

“Në praktikë, po të pranojmë, se qeveria ka dhe një rezervë fiskale, e cila është investuar në tregjet ndërkombëtare, mund të themi, se shteti nuk ka borxh të jashtëm publik. Dhe ky ishte një sukses i madh i disa qeverive të radhës, të cilat e shlyenin pjesërisht borxhin e jashtëm. Aktualisht kemi në pozita shumë të mira në krahasim me disa vende të tjera në Evropë, si Greqia ose Italia për shembull, ku raportet janë të tmerrshme. Do të thosha se mjaft vende anëtare të zonës së euros tashmë nuk u përgjigjen kritereve për anëtarësi, por vazhdojnë të bëjnë pjesë në këtë zonë vetëm për shkak se nuk ka mekanizëm politik për përjashtimin e një shteti nga zona e euros. Në këtë kuptim Bullgaria meriton më shumë se gjysma prej vendeve të zonës së euros të jetë në të.”

Përgatiti në shqip: Gjullka Ilieva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgaria në listën e pesë vendeve anëtare të BE-së me financa më stabile

Më shumë nga rubrika

U mbyll me sukses java e parë e Shkollës Verore të Gjuhës Bullgare në Tiranë

Bullgaria i bashkohet një rrjeti evropian për trajtimin e kancerit

Bullgarët janë të vetëdijshëm për ndryshimet klimatike, por jo për mënyrat për ta parandaluar atë

"Topllo Fest" 2024 - fluturojmë "Lartë në qiell" me qifta, muzikë dhe shumë argëtim!