Muzeu Kombëtar Historik shpalli një fushatë dhurimi për Kishën e Bojanës që është filial i tij. Kisha ndodhet në lagjen Bojana të kryeqytetit, në rrëzat e malit Vitosha. Ajo është ndërtuar në fund të shekullit të X dhe në fillimin e shekullit të XI, ndërsa në mesin e shekullit të XIII është zgjeruar dhe pikturuar. Vizatimet mbi mur nga viti 1259 në të cilat dallohen 240 figura, me bukurinë dhe realizmin e tyre konsiderohen paraardhës të Renesansit. Për shkak të afreskeve të mrekullueshme kisha është përfshirë në Listën e UNESKO-së të trashëgimisë kulturore botërore.
Për Radio Bullgarinë drejtorja e Muzeut kombëtar historik dr. Cvetana Kjoseva tregoi:“Vetëm përpara dy vjetëve në periudhën 2006-2008 mbaroi restaurimi i afreskeve në Kishën e Bojanës. Edhe ai u ndihmua nga dhurues. Gjatë këtij restaurimi u zbulua dhe një mbishkrim me emrin e zografit Vasilij që ka pikturuar këto afreske unikale. Por pas restaurimit si vizituesit e kishës, ashtu edhe ne u bindëm se edhe mjedisi rreth kishës ka nevojë për rehabilitim. Prandaj me rastin e 750 vjetorit të pikturimit të kishës startuam një fushatë të re dhurimi. Çfarë do të bëjmë në parkun që e rrethon kishën? Në të ka pemë dhe shkurre të llojeve të rralla që do të ruhen. Po planifikojmë të mbjellim akoma shumë lule dhe gjelbërim, të rehabilitohen shëtitoret. Kemi probleme me çatinë që duhet të rinovohet dhe prandaj shpresojmë të na ndihmojnë firma që merren me veprimtari ndërtimore dhe gjelbërim të mjedisit.”
Në Perperikon, ka filluar fushata më e madhe arkeologjike e zhvilluar ndonjëherë, raportoi BTA. Prof. Nikollaj Ovçarov, udhëheqësi i gërmimeve në vend për gati 25 vjet, vëren se fushata është me moton "A do të zbulohen statuja romake edhe në..
Në Luginën e Mbretërve të Trakisë, nën fshatin Shipka, ku ndodhen varret më të rëndësishme të sundimtarëve të shtetit të odriseve , Bashkia Kazanllëk hapi parkun tematik "Bota e Trakëve". Qendra turistike u ofron adhuruesve të historisë dhe..
Në qytetin antik të Heraklea Sintika, u zbulua një statujë dy metra shumë e ruajtur me kokë. Është bërë nga një mjeshtër që përdori një bllok të tërë mermeri në shekullin II pas Krishtit, kur kjo praktikë ishte tashmë arkaike. Tipi ikonografik është i..
Një tempulli trak nga shekulli III para Krishtit pa analog në vendin tonë mund të shndërrojë 10 hektarë të zonës "Jug" ("Juzhen") të Plovdivit në..