Veprimtaria e Zyrës Informative të Parlamentit Evropian në Sofje gjatë vitit 2010

botuar më 09-12-14 1.22.MD

Drejtoresha e Zyrës Informative të Parlamentit Evropian në Sofje Violeta Staniçiç

Foto: BGNES

Gjatë vitit 2010 Zyra Informative e Parlamentit Evropian në Sofje do të ndërmjetësojë komunikimin më të mirë midis deputetëve evropianë dhe qytetarëve bullgarë. Kjo u njoftua gjatë prezantimit të theksave kryesore të veprimtarisë së zyrës gjatë vitit 2010. Krahas kësaj planifikohet organizimi i 5 forumeve civile, në të cilët deputetët evropianë të komunikojnë në mënyrë të drejtpërdrejtë me qytetarët. Më shumë hollësi sjell drejtoresha e zyrës Violeta Staniçiç:

“Katër nga forumet civile do të zhvillohen në qytete të ndryshme të Bullgarisë. Njëra prej tyre do të jetë me pjesëmarrjen e qytetarëve bullgarë dhe grekë. Në të banorët e qytetit të Bullgarisë Jugore Smoljan dhe të qytetit të Greqisë Veriore Ksanti do të shtrojnë problemet e rajonit para deputetëve evropianë. Ato kanë të bëjnë kryesisht çështje të infrastrukturës, investimeve, zënies së krahut të punës etj. Parashikojmë, që gjatë vitit 2010 të organizojmë një konferencë të madhe mbi problemet e energjetikës. Në lidhje me Ditën e Evropës – 9 maji planifikojmë një sërë veprimtarish. Gjatë tërë vitit 2010, do të organizojmë grupe nxënësish bullgarë, të cilat në Strasburg të marrin pjesë në sesionet e Parlamentit Evropian – “Evroshkolla”. Do të kualifikojmë gazetarë dhe do të organizojmë vizitat e tyre për sesionet e Parlamentit Evropian në Strasburg.”

Më 15 janar starton konkursi i tretë i gazetarisë organizuar nga Parlamenti Evropian. Çmimi jepet për botime të gazetarëve, të cilat kanë kontribut në shpjegimin dhe sqarimin e problemeve të ndryshme evropiane. Dekorata shpërndahet në katër dega – gazeta, radio, televizion, internet. Çdo shtet cakton fituesin e vet kombëtar në kategoritë e ndryshme. Zgjedhja në nivel evropian bëhet nga një komisioni, anëtar të të cilit janë nëpunësit e Drejtorisë “Komunikacione” të Komisionit Evropian dhe përfaqësues të Parlamentit Evropian. Deri më 22 janar të vitit 2010 mund të prezantohen kandidaturat për çmimin “Karl Veliki”. Ky dallim jepet për të rinj, që hartojnë projekte lidhura me mirëkuptimin midis popujve të shteteve të ndryshme të BE-së.

Përgatiti në shqip: Svetllana Dimitrova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Veprimtaria e Zyrës Informative të Parlamentit Evropian në Sofje gjatë vitit 2010

Më shumë nga rubrika

Darko Anaçkov: Ne po punojmë për të kapërcyer paragjykimet ndaj bullgarëve në Serbi

Mbi 4000 studentë nga e gjithë bota duan një stazh në institutin INSAIT në Sofje

Rrethi i Jetës: Si Rodopet Lindore u bënë një model për një ekosistem të rimëkëmbur

Kryetari i bashkisë së Taraklisë pret bashkëpunim më aktiv me autoritetet bullgare

Holanda, Italia dhe Spanja janë destinacionet kryesore për bullgarët që duan të bëjnë studime jashtë

Për herë të 13-të Bullgaria është pjesë e Javës Botërore të Parasë