Aftësia blerëse e bullgarëve

botuar më 09-12-17 3.13.MD

Ekspertët parashikojnë se për shkak të konsumimit më të madh gjatë festës së Krishtlindjeve çmimet do të rriten, kurse viti do të përfundojë me inflacion prej 1.8 për qind.

Foto: Tanja Harizanova

Studimi i fundit i shërbimit statistikor të Komisionit Evropian “Eurostat” tregon se ndër vendet e BE-së më aftësi më të mirë blerëse janë qytetarët e Luksemburgut, Irlandës dhe Holandës, kurse bullgarët dhe rumunët janë me aftësi më të ulët blerëse. Në fakt standardi i përcaktimit të aftësisë blerëse është një masë artificiale, e cila përfshin blerjen e një vëllimi mallrash dhe shërbimesh në shtetet e ndryshme. Prapë së prapi duhet shënuar se aftësia blerëse e bullgarit është rritur në krahasim me vitin 2006.

Një studim tjetër i kompanisë GfK Geo Marketing tregon se dendësia e aftësisë blerëse të bullgarëve në Sofje është afër asaj në vendet me ekonomi të zhvilluar në Evropë. Kompania ka bërë një hartë e cila e ilustron aftësinë blerëse të popullsisë në një metër katror dhe paraqet rajonet, ku banojnë njerëz me mundësi më të mira dhe më të këqija blerëse. Sipas analizës aftësia blerëse në disa rajone të Sofjes lëviz nga 5 deri më 7 mln. euro në një metër katror, siç është edhe në Romë, Madrid dhe në pjesën më të madhe të Belgjikës, Holandës dhe Britanisë së Madhe.

Këto dy statistika janë rasti për të analizuar aftësinë blerëse dhe sjelljen e konsumatorit bullgar. Gjatë 5 – 6 viteve të fundit konsumatori tek ne jetonte në parajsën e blerjeve pa kufij. Bullgari merrte kredi jo vetëm për blerjen e banesës, veturës, teknikës ose për remonte, por edhe për dasma, pagëzime dhe udhëtime. Statistika tregon se çdo bullgar i dytë ka përdorur kredi. Dhe megjithëse kriza e preku edhe Bullgarinë, bullgarët vazhduan të blejnë për inerci. Ndërprerja e vështirë e shprehive, mënyra e këndshme e jetesës çoi deri në mungesë aftësie për pagim të kredive. Kështu kjo inerci filloi të zhduket dhe bullgari filloi të blejë gjithnjë e më vështirë. Njerëzit, të cilët konsumonin sasi të mëdha mallrash dhe shërbimesh gjatë 7-8 viteve të fundit, tani po hiqen dorë nga kjo mënyrë e jetesës, harxhojnë më pak dhe u bëjnë llogari financave të tyre.

Konsumimi më i kufizuar ndikon edhe mbi kompanitë, të cilat kufizojnë shpenzimet e tyre dhe mbyllin vendet e punës. Mirëpo e dimë shumë mirë se çfarë është fati i njeriut të zakonshëm gjatë depresionit ekonomik nga filmi i famshëm i Çarli Çaplinit – “Kohërat moderne.” Protagonisti humb punën e vet, e emërojnë për pak në vende të ndryshme dhe përsëri mbetet pa punë.

Çfarë është situata në Bullgari?

Për herë të parë nga 10 vjet gjatë muajit tetor Bullgaria hyri në deflacion. Deflacioni konsiderohet si një dukuri më e keqe nga inflacioni i madh, sepse firmat nuk kanë motivim për të prodhuar, kjo çon deri në rritje të papunësisë dhe përkatësisht deri në ulje të çmimeve. Ekspertët parashikojnë se për shkak të konsumimit më të madh gjatë festës së Krishtlindjeve çmimet do të rriten, kurse viti do të përfundojë me inflacion prej 1.8 për qind.

Mirëpo tani për tani bullgari nuk ka për qëllim të bëjë blerje të mëdha, megjithëse sipas statistikës familjet bullgare nuk e ndiejnë krizën në mënyrë drastike. Por prapë së prapi ajo është këtu dhe rrethi magjik, në të cilin bankat konkurroheshin në dhënien e kredive, kurse popullsia shpejtonte për të blerë banesa, vetura dhe televizorë plazmë, tashmë nuk ekziston.

Përgatiti në shqip: Vesella Mançeva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Aftësia blerëse e bullgarëve

Më shumë nga rubrika

Instituti për Ekonominë e Tregut bën thirrje për një deficit buxhetor nën 3%

Modeli i subvencionimit të BE-së shtrembëron prodhimin bujqësor në vend

Inflacioni çon në qarkullim dhe kërkesë më të lartë të kartëmonedhave të reja 100 dhe 50 leva