Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ethet për energjinë e gjelbër në Bullgari

Foto: arkiv
Ethet për energjinë e gjelbër pushtuan Bullgarinë. Pas anëtarësimit të vendit tonë në BE gjatë vitit 2007 zhvillimi i burimeve përtëritëse energjetike grumbulloi forcë. Vendet evropiane miratuan kërkesat që deri në vitin 2020 16 për qind prej energjisë së BE-së të prodhohet nga burimet përtëritëse energjetike. Qeveritë filluan të ofrojnë preferenca për “projektet e gjelbra”, që shkaktoi interesin e madh të investitorëve për parqet e energjisë së erës dhe për centralet solare.

Shumë projekte për kapacitete 12 mijë megavatesh u përhapën në Bullgari, si tetë mijë prej tyre janë nga energjia e erës dhe katër mijë – nga ajo e diellit. Specialistët mendojnë se kapaciteti i rrjetit energjik të Bullgarisë mund të përfshijë 1800 instilacione të reja. Nëse këto fuqi rriten, rrjeti energjik nuk do të jetë i sigurt. Përveç kësaj, janë të nevojshme investime prej miliardë levash për bashkimin e rrymës elektrike të prodhuar prej burimeve alternative në sistemin energjetik të vendit. Ndërkohë shoqëritë e shpërndarjes së energjisë dhe Kompania kombëtare elektrike janë detyruar në mënyrë prioritare t’i lidhin burimet e përtëritëse energjetike në sistemin e përbashkët, duke investuar mjete të veta në modernizimin e rrjetit energjik. Sipas ekspertëve, për lidhjen e kapacitetit 100 megavatesh në sistemin e përbashkët energjik janë të nevojshme 40 milionë leva (20 milionë euro). Për shkak të gjendjes e vetë gjeografike Bullgaria nuk është ndër vendet më të mira për prodhimin e energjisë elektrike prej erës dhe prej diellit. Potenciali për parqet e energjisë së erës është afro 7 për qind, ndërsa për centralet diellore – 9 për qind prej sasisë së përbashkët.

“Sektori i ngjau përhapjes së hoteleve në Detin e Zi. Kush është më i shpejtë, ai merr parcelë, pa marrë në konsideratë efektin e tërësishëm”, komentoi para kohe ministri i ekonomisë dhe energjetikës Trajço Trajkov. Për arsyen se nuk respektohen disa prej kërkesave, Ministria e mjedisit dhe ujërave përpiqet të vë moratorium të përkohshëm mbi ndërtimin e burimeve të reja përtëritëse energjetike. Një prej motiveve është që me ndërtimin e centraleve diellore territore të mëdha toke pjellore bujqësore mbulohen me panele dhe bëhen të papërdorur. Nga ana e vetë Asociacioni fotovoltaik i Bullgarisë reagoi ashpër dhe tha se nëse shpallet moratorium mbi ndërtimin e burimeve përtëritëse energjetike, Bullgaria do të humbë mbi 1 miliardë euro investime të huaja gjatë pesë vjetëve të ardhshme dhe më shumë se 350 milionë euro prej mundësive të humbura për vendin nga mallra dhe shërbime, që nuk do të realizohen. Ekspertët mendojnë se për ta plotësuar kërkesën e Brukselit, sipas të cilës deri në vitin 2020 16 për qind prej prodhimit të energjisë të jetë nga burimet përtëritëse energjetike, çdo vit duhet të instalohet një kapacitet 150 megavatesh të energjisë prej diellit dhe po aq të asaj prej erës. Do të rikujtojmë se kapacitetet e instaluara të centraleve diellore gjatë vitit të kaluar është vetëm 3 megavatesh. Nëse realizimi i projekteve të gjelbra vonon, ka mundësi të mos plotësojmë angazhimet ndaj BE-së. Sipas një studimi të Qendrës për studimin e demokracisë, vetëm 13 për qind prej familjeve në Bullgari janë gati të paguajnë shpenzimet e përdorimit të energjisë ekologjike. Të dhënat tregojnë se janë të nevojshme stimuj ekonomike dhe fushata, të cilat të shpjegojnë dobinë e “energjisë së gjelbër”.

Aktualisht Bullgaria përpunon një strategji të burimeve përtëritëse energjetike dhe rregulla për marrjen e lejeve të ndërtimit. Ato do të prezantohen në Bruksel deri më 30 qershor të këtij viti. Specialistët shpresojnë se ky dokument do të frenojë “ethet për energjinë e gjelbër” dhe efektin e parë negativ prej kushteve preferenciale për investitorët në “projektet e gjelbra”.

Përgatiti në shqip: Anna Kapitanova
По публикацията работи: Tanja Harizanova


Последвайте ни и в Google News Showcase, за да научите най-важното от деня!

Më shumë nga rubrika

Nënshkrimi i kontratës ndërmjet Dioqezës së Slivenit dhe kompanisë ''Electra Trans Global'' Sh.A. për terrenin në të cilin do të ndërtohet kompleksi në shkallë të gjerë

Një kompleks riparimi avionësh në shkallë të gjerë me 1500 vende pune do të ndërtohet në Burgas

Një nga kompanitë më të mëdha të riparimit të avionëve në aviacionin civil ka zgjedhur Burgasin për një investim në shkallë të gjerë në riparimin dhe mirëmbajtjen e avionëve, njoftoi Bashkia e Burgasit. Në 74 hektarë në zonën e Aeroportit të Burgasit,..

botuar më 25-02-15 12.09.MD

Bullgarët janë masivisht të pakënaqur me pagat e tyre, ¼ e tyre janë të varfër që punojnë

94% e punëtorëve në Bullgari nuk janë të kënaqur me shumën e pagës së tyre. Këtë e tregon një anketë e sindikatës “Podkrepa” për shpërblimin e punës në vend, 91 për qind e të anketuarve në sondazhin përfaqësues kanë treguar se marrin të ardhura neto prej më..

botuar më 25-02-12 9.36.PD

Bullgaria ka pagën minimale më të ulët në BE

Ndër vendet anëtare të Bashkimit Evropian, Bullgaria ka pagën minimale më të ulët në janar - 551 euro. Sipas të dhënave të Eurostat-it, më e larta është në Luksemburg – 2638 euro. Për dhjetë vitet e fundit që nga viti 2015 paga minimale në vendin tonë është..

botuar më 25-02-06 2.31.MD