Ministri i ri i punëve të jashtme Nikolaj Mlladenov zuri postin

botuar më 10-01-28 12.09.MD

“Jam i bindur se një politikë e jashtme nuk mund të jetë e suksesshme pa qenë e suksesshme politika e brendshme e një shteti.” – deklaroi Nikolaj Mlladenov.

Foto: BGNES

Prioritetet e Bullgarisë – hyrja në Shengen dhe Eurozonë, janë prioritete edhe të Ministrisë së Punëve të Jashtme, tha ministri i jashtëm i ri Nikolaj Mlladenov, i cili mori postin pas dorëheqjes së Rumjana Zhelevës. Sipas tij pritjet ndaj këtij posti janë shumë të mëdha. Por ai është i bindur se në sistemin e shërbimit diplomatik bullgar ka mjaft profesionistë, me të cilët mund të realizojë prioritetet e qeverisë dhe të mbrojë interesat tona kombëtare në të gjitha fushat, ku ka nevojë.

“Stili i punës sime do të jetë dialogu, pa lëvizje të rrepta. Ky stil parashikon një dialog të vazhdueshëm jo vetëm në kuadër MPJ-së, por edhe me dikasteret e tjera, me të cilat punojmë – tha Nikolaj Mlladenov. – Jam i bindur se një politikë e jashtme nuk mund të jetë e suksesshme pa qenë e suksesshme politika e brendshme e një shteti. Ky është një parim i vjetër i diplomacisë. Kështu që këtej e tutje mund të prisni një bashkëpunim ndërdikasterial më aktiv në kuadër të qeverisë. Do të përqendrohemi dhe në politikën e Bullgarisë në Evropën Juglindore – rajoni, ku ndodhemi. Mund të prisni dhe veprime të MPJ-së në mbështetje të prioriteteve të Bullgarisë në kuadër të BE-së, të lidhura konkretisht me qytetarët bullgarë. Në vend të parë është aderimi në Shengen dhe në vend të dytë – integrimi gradual i Bullgarisë në Eurozonë. Jam i sigurt se do të kemi shumë punë mbi projektet energjetike, të cilat janë kyçe për sigurinë tonë kombëtare dhe për sigurinë e ekonomisë sonë. Do t’i kushtojmë vëmendje serioze mënyrës, në të cilën të gjitha institucionet bullgare punojnë së bashku për të rivendosur mirëbesimin e BE-së ndaj vendit tonë. Kjo do të thotë në vend të parë debllokomi i fondeve evropiane dhe shpejtimi i procedurave të lidhura me harxhimin e mjeteve evropiane. Kjo është një punë që mund të kryhet nga shteti në tërësi, por me mbështetjen e diplomacisë bullgare dhe me prioritete të qarta në këtë drejtim.”

Ministri i ri i punëve të jashtme debutoi në postin e vet me pjesëmarrje në konferencën për problemet e Afganistanit në Londër. “Ajo mbledh të gjitha vendet që marrin pjesë në përpjekjet ndërkombëtare për rimëkëmbjen e Afganistanit” – njoftoi Nikolaj Mlladenov, duke u nisur për në Londër.

“Për mua është me rëndësi që Bullgaria të jetë një pjesë e rimëkëmbjes së Afganistanit në mënyra të ndryshme – theksoi zoti Mlladenov. – Njëra është të marrim pjesë në operacionin e rivendosjes së stabilitetit dhe sigurisë në këtë vend. Kemi mundësi të ndihmojmë dhe me trajnim të kuadrove dhe MPJ e Bullgarisë tashmë punon në këtë drejtim. Por ka dhe nisma të tjera që mund të jenë të dobishme. Përvoja e Bullgarisë nga tranzicioni, megjithëse ai është shumë i ndryshëm nga situata në Afganistan, mund të jetë e dobishme për çdo një vend.”

Përgatiti në shqip: Ekaterina Tarpomanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Ministri i ri i punëve të jashtme Nikolaj Mlladenov zuri postin

Më shumë nga rubrika

Presidenti bisedoi me përfaqësues të komunitetit vietnamez në Bullgari

Presidenti: Evropa duhet të mbështesë përpjekjet e SHBA për një zgjidhje paqësore të konfliktit në Ukrainë

Ministria e Jashtme: Nuk mund të ketë negociata për Ukrainën pa Ukrainën dhe BE-në

Presidenti bisedoi me përfaqësues të komunitetit vietnamez në Bullgari

Presidenti: Evropa duhet të mbështesë përpjekjet e SHBA për një zgjidhje paqësore të konfliktit në Ukrainë