Bullgaria do të shfrytëzojë Eurotransplant

botuar më 10-02-23 12.34.MD

Organizata Eurotransplant do t’i bashkëveprojë Bullgarisë me transplantime, të cilat deri tani nuk janë bërë në Bullgari.

Foto: BGNES

Eurotransplant do ta ndihmojë Bullgarinë në raste urgjente. Ky vendim u mor në takimin e 27-të të Organizatës evropiane për shkëmbim të organeve, i cili u mbajt tani vonë. Tani për tani vendi ynë ende nuk është anëtar i Eurotransplant-it, por ka shtruar kërkesë për aderim në organizatë. Në Eurotransplant anëtarësojnë shtatë vende evropiane – Austria, Belgjika, Kroacia, Gjermania, Luksemburgu, Holanda dhe Sllovenia. Një nga kërkesat për aderim është që të rrisim numrin e donatorëve. Për sa i përket bazës normative, standardeve mjekësore dhe strukturave spitalore, vendi ynë është në përputhje me kriteret. Organizata do t’i bashkëveprojë Bullgarisë më tepër në transplantimet e zorrëve të holla, mushkërive, pankreasit dhe poliorganeve, të cilat deri tani nuk janë bërë në Bullgari. Do të mund të përdorim shërbimet e specialistëve nga organizata, të cilët do të vijnë tek ne posaçërisht për operacionet e rënda. Në raste më speciale, kur transplantimet nuk mund të bëhen tek ne, pacientët do të mund të dërgohen jashtë shtetit. Përveç kësaj specialistë tanë në fushën e transplantimeve do të mund të kualifikohen në klinika të specializuara në Gjermani. Nga organizata janë të mendimit se kualifikimi i specialistëve, sigurimi financiar i qendrave dhe popullarizimi i dhurimit të organeve janë rrugët kryesore për zhvillimin e transplantimeve.

Aktualisht tek ne ka 757 veta, të cilët presin për transplantim të veshkës, 36 – për transplantim të mëlçisë dhe 28 – për një zemër të re. Këto janë të dhënat e Ministrisë së Shëndetësisë. Nga fillimi i këtij viti tek ne donatorët truporë janë tre, gjatë vitit të kaluar numri i tyre ishte 11. Sipas specialistëve Bullgaria mbetet prapa për sa i përket dhurimit të organeve në krahasim me vendet e tjera evropiane.

“Dhurimi i organeve është një akt human dhe shumë fisnik, i cili duhet të reklamohet në shoqëri” – tha në një intervistë për Radio Bullgarinë d-r Ljubomir Spasov, drejtori i Spitalit Universitar “Lozenec”. “Duhet të shpjegohen dobitë e këtij dhurimi në pikëpamje morale që të mund në të vërtetë në rast vdekjeje të përdoren organet për transplantim dhe të ndihmohen njerëzit që kanë nevojë – shtoi d-r Spasov. – Prandaj ndihma e Eurotransplant-it dhe specializimi i mjekëve është vetëm njëra anë. Shoqëria duhet të jetë e bindur në dobinë e kësaj veprimtarie. Aspekti moral është shumë i rëndësishëm. Ne shpesh herë e japim si shembull Spanjën, ku madje Kisha përfshihet aktivisht, duke popullarizuar idenë se organet e të vdekurit nuk i janë të nevojshme në qiell. Ato mund të jenë të dobishme këtu, në tokë, që të mund dikush tjetër të jetojë. Ky është një aspekt i rëndësishëm. Ne si mjekë do t’i bëjmë transplantimet. Problemi është se ka pak donatorë. Tani ne marrim organe të donatorëve të gjallë. Nga ana teknike kjo është shumë e vështirë, sepse duke i bërë operacion një njeriu të gjallë, kapërcen një barrierë psikologjike. Tani për shembull në Spitalin Universitar “Lozenec” gjysma e transplantimeve të veshkave dhe mëlçive janë nga donatorë të gjallë. Kështu ne i ndihmojmë njerëzit që kanë nevojë, por shoqëria duhet të ndihmojë që dhurimi i organeve të popullarizohet.”

Sipas statistikës së Ministrisë së Shëndetësisë, në BE pacientët me vdekje trunore që janë të përshtatshëm për donatorë janë 10 për 1 milion veta në vit. Në Bullgari ata janë 1,2 për 1 milion veta. Prandaj specialistët tanë janë të mendimit se duhet të themelohet një rrjet ballkanik për shkëmbim të organeve. Sipas tyre një bashkëpunim i tillë do të japë mundësi për reagim më të shpejt. Për shembull zemra dhe mëlçia mund të përdoren për transplantim vetëm 5 orë pas marrjes së tyre, kurse veshkat – deri në 36 orë. Është i rëndësishëm fakti se me vendet fqinja kemi një fond të ngjashëm gjenetik që pakëson riskun të hidhet poshtë organi.

Përgatiti në shqip: Ekaterina Tarpomanova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Bullgaria do të shfrytëzojë Eurotransplant

Më shumë nga rubrika

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Chat-i bullgar me inteligjencën artificiale BgGPT mund të shfrytëzohet falas nga të gjithë

Pse Sofja është kryeqyteti i përshtatshëm për Tubimin Panortodoks

Pse disa nga rrugët e Pragës mbajnë emrat e iluministëve bullgarë?