Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Pranë fshatit Gara Bov - madhështia në përqafimet e malit Stara Pllanina

12
Foto: Miglena Ivanova

Në përqafimet e pjesës perëndimore të malit Stara Pllanina, në mes të Grykës piktoreske të Iskërit, ndodhet fshati Gara Bov (Stacioni Bov) - një pikënisje për disa rrugë turistike. Pamjet magjepsëse natyrore dhe shkëmbinjtë e lartë madhështor gëlqeror e bëjnë këtë zonë jashtëzakonisht të njohur ndër turistët dhe alpinistët fillestarë dhe të avancuar.


Emri i fshatit Gara Bov, si dhe i fshatit Bov aty pranë, lidhet me një legjendë nga shekulli i largët XIII. Në 1206, pas vdekjes së Balduinit të Flandrisë, kalorësi francez i kapur Sen Djo Bjov u vendos nga mbreti Kallojan në këto toka. Francezët ndërtuan atje një kështjellë dhe deri më sot të dy vendbanimet ruajnë kujtimin e emrit të tij.

Nëse ju pëlqen të shijoni zhurmën e ujit, do të kënaqeni duke marrë rrjedhën e Lumit të Vjetër, shtrati i të cilit përshkohet nga pragje të shumta, duke i dhënë lumit një bukuri romantike.


Shtegu do t'ju çojë në një nga atraksionet e njohura të kësaj zone - ujëvara 40 metra "Pod Kamiko" (“Nën gur”).


Pranë ujëvarës ndodhet një formacion i bukur shkëmbor i quajtur “Kaminata” ("Oxhaku") i lartë 12 metra.


Në të gjithë rajonin janë shpërndarë fshatra dhe mëhalla.


Në fshatin Bov, do të gjeni një rrugë me emrin e muzikantit të njohur Ronnie James Dio. Emri i rrugës nuk është përfshirë në regjistrat zyrtarë. Ndoshta tabela është vendosur nga një fans vendas i yllit amerikan të rokut.


Dhe në ndonjë nga shtëpitë e braktisura në rajon, mund t’ju presë një lopë e nxjerrë për të kullotur, duke kërkuar shpëtimin nga rrezet e zjarrta të diellit.


Atraktivе për adhuruesit e bukurisë natyrore mund të jetë edhe maja Kolibishteto. Vështirësia në ngjitje nuk është lartësia, por mungesa e shtigjeve. Por, përpjekjet e turistit shpërblehen me një panoramë qiellore nga pika më e lartë.


Ndërsa fryn era, gjethet e pyjeve të vjetra përreth jush do t'ju pëshpëritin histori të kohëve të shkuara, aq të largëta sa do ta keni të vështirë të besoni të vërtetën e tyre.



Foto: Miglena Ivanova

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Bukuritë e Krahinës së Zemenit

Në Bullgarinë Perëndimore, rreth njëqind kilometra në jugperëndim të Sofjes, qyteti Zemen, i vendosur në brigjet e lumit Struma dhe rrethinat e tij nuk janë ndër destinacionet turistike më të njohura në vendin tonë, por interesi për këtë rajon është..

botuar më 24-05-07 2.43.MD

Shëtitje pranverore në Sofje

Pranvera është e mrekullueshme në Sofje. Kryeqyteti bullgar mban erë bliri, jargavani dhe tulipanësh dhe zogjtë nëpër parqe japin koncerte të vërteta pranverore. Pjesa qendrore e qytetit..

botuar më 24-04-15 4.18.MD

Festat e kukerëve në Rodope

Sot nisin Kreshmët e Mëdha . Tradicionalisht, në ditët para fillimit të periudhës së agjërimit dhe përqendrimit shpirtëror, në shumë pjesë të vendit mbahen karnavalet e kukerëve. Në fshatin Dedevo në malin e Rodopeve, përshpirtjen e..

botuar më 24-03-18 1.55.MD