Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Zëri bullgar në “Avatar”

Folklori origjinal bullgar gëzon një respekt të madh në muzikën e prodhimeve botërore kinematografike. Për herë të radhës vokale specifike për Bullgarinë dëgjohen në filmin fantastik “Avatar” me regji të James Cameron. Zëri është i këngëtares së re Radka Varimezova. Ajo është nga familja e njohur muzikore Varimezovi. Është bijë e këngëtares popullore Cvetanka Varimezova dhe e gajdexhiut Ivan Varimezov. Nga viti 2001 ata janë pedagogë të folklorit bullgar në Universitetin në Los Anxhelos të Kalifornisë (UCLA). Bija e tyre Radka që nga fëmijë dëgjonte muzikë popullore bullgare. Ajo u rrit në sallat, ku prindërit e saj ishin udhëheqës të ansamblit folklorik në Pazarxhik. Përveç se këndon, ajo i bie gajdes. Ka mbaruar biologji dhe muzikë në Universitetin e Kalifornisë në Santa Barbara, kurse së shpejti do të fillojë të studiojë stomatologji.

Ftesa për incizimet e muzikës së filmit “Avatar” erdhi rastësisht. Radka Varimezova mori pjesë në këngën “Jake’s first flight”, në të cilën këndon në një gjuhë jashtëtokësore, që nuk ekziston. Muzika është e James Horner, dhjetë këngëtare improvizojnë, por zëri i vajzës bullgare u përgjigjet më shumë pritjeve të ekipit. Soloja e saj është në diskun me muzikën e “Avatar” – një film me 9 nominime për “Oskar”, një prej prodhimeve më të suksesshme kinematografike për të gjitha kohërat.

Një këngë popullore bullgare tingëllon edhe në prodhime të tjera kinematografike. Kënga “O mal, o mal i vjetër” i kompozitorit Stefan Dragostinov shërben si sfond i pamjeve të bukura nënujore në dokumentarin e regjisorit Werner Herzog – “Takime në fund të botës”. Interpretimi është i korit të femrave pranë ansamblit folklorik “Filip Kutev”. Një kor femrash këndon edhe në filmin е vizatuar “Vëllai i ariut”. Autor i kompozimit është Pfil Collins, kurse kënga është në gjuhën e eskimezëve. Zëra të Korit bullgar të Londrës tingëllojnë në prodhimin e Holivudit “Troja”, kurse kënga “Remember Me” interpretohet nga Josh Groban dhe Tanja Carovska. Kori këndon edhe si sfond në filmim për jetën e Elizabeth I (“The Virgin Qeen”). Kënga e dashur bullgare “U errësua mali” në interpretim të korit me famë botërore “Misteri i zërave bullgarë” është përfshirë në filmin “Jezusi nga Monreali” (1989). Në finalin e filmit amerikan “300” tingëllon përsëri një interpretim i tyre. Këtë herë kjo është kënga e bukur bullgare “Perëndo, perëndo, o diell i pastër!”

Përgatiti në shqip: Vesella Mançeva
По публикацията работи: Elena Cvetkova


Последвайте ни и в Google News Showcase, за да научите най-важното от деня!

Më shumë nga rubrika

Foto: Kori i Fëmijëve i Radios Kombëtare Bullgare

Kori i Fëmijëve i Radios Kombëtare Bullgare befason publikun në koncertin me rastin e 65-vjetorit të krijimit të tij

Kori i Fëmijëve i Radios Kombëtare Bullgare feston 65 vjetorin e tij me një koncert në ditën e themelimit të tij - 21 mars. Që atëherë, këngëtarët e rinj kanë përhapur lavdinë e mjeshtërisë korale bullgare në mbarë botën dhe jo rastësisht quhen..

botuar më 25-03-21 8.05.PD
Grupi Strykers

"Bota është kënga jonë!" – hard rock melodik na kujton të jemi të përgjegjshëm ndaj natyrës

Muzikantët e grupit Strykers udhëhiqen gjithmonë nga ideja e krijimit të një vepre origjinale në fushën e hard rock-ut melodik. Incizimi i tyre i fundit me pjesëmarrjen e këngëtarëve të rinj Gergana Stojanova dhe Leon Daniell i kushtohet Tokës dhe..

botuar më 25-03-20 2.25.MD

Në "Plladnej" grupi JazzBoree përsëri pi ujë nga pusi i folklorit bullgar

Muzikantët nga grupi JazzBoree gërshetojnë traditën dhe modernitetin në këngët e tyre. Kështu ndodh edhe në atë të fundit – “Plladnej” (“Mesdita”), frymëzuar nga historitë tona popullore të dashurisë. Këngëtarja Savina Pllamenova është autore e muzikës..

botuar më 25-03-19 6.45.PD