Programi i ditës

Radioja Kombëtare Bullgare © 2021 Të gjitha të drejtat janë të rezervuara

Pas ndeshjeve “Bullgaria – Holanda” të Ligës botërore të volejbollit

Në ndeshjen e parë të grupit A të Ligës botërore të volejbollit skuadra kombëtare bullgare u paraqit në një mënyrë të jashtëzakonshme, duke shënuar fitoren bindëse 3:0 sete kundër skuadrës së Holandës.
Foto: BGNES
Në ndeshjen e parë të grupit A të Ligës botërore të volejbollit, i cili u luajt në Pallatin e Kulturës dhe Sportit në Varna, Bullgari, skuadra kombëtare bullgare e volejbollit u paraqit në një mënyrë të jashtëzakonshme, duke shënuar fitoren bindëse 3:0 sete kundër skuadrës së Holandës. Kombëtarët bullgarë filluan ndeshjen me një ritëm të shkëlqyeshëm dhe akoma në setin e parë arritën rezultatin e jashtëzakonshëm 25:9. Seti i dytë gjithashtu u zhvillua nën diktimin e bullgarëve – 25:17 dhe vetëm në setin e fundit Bullgaria fitoi me një fitore minimale me 27:25.

Ndeshja e dytë u zhvillua me një skenar pak më të ndryshëm – volejbollistët holandezë treguan një rezistencë më të madhe, sesa në ndeshjen e parë. Bullgarët fituan dy setet e para me rezultat përkatësisht: 25:22 dhe 25:20, më vështirë ishte në setin e tretë, kur Bullgaria arriti të fitojë, por shumë vështirë me rezultat 32:30. Kështu skuadra bullgare arriti të ruajë shanset e saj për klasifikim në finalet e Ligës botërore në Argjentinë.

Volejbollisti bullgar Andrej Zhekov komentoi se gëzohet për “fitoren e pastër” kundër skuadrës së Holandës me 3:0. “Filluam shumë mirë, por nuk mendoj se Holanda është një lojtar, i cili mund të fitohet lehtë. Mendoj se Bullgaria u paraqit në një mënyrë shumë të denjë” – tha volejbollisti bullgar.

Ja dhe përshtypjet e volejbollistit holandez Rob Bontije nga ndeshja e parë: “Fillimi i lojës ishte shumë i vështirë për ne. Bullgarët nuk bënin asnjë gabim. Ne u përpoqëm të imponojmë ritmin tonë dhe arritëm, por tashmë ishte vonë.”

Ja dhe komentet e holandezëve për humbjen e tyre pas ndeshjes së dytë: “Luajtëm më mirë nga dje, por më në fund u pa se servisi bullgar ishte shumë i mirë. Atmosfera ishte e këndshme, për të cilën ndihmoi edhe publiku. Është keq se humbëm, por mendoj se u bë një ndeshje e mirë – tha volejbollisti holandez Dik Kooj.”

Ja dhe përshtypjet e Nijls Klapvajk: “Këtë herë luajtëm më mirë, por kjo nuk mjaftoi që të arrijmë fitore dhe mendoj se humbëm për shkak të gabimeve tona të vogla. Desha të shënoj servisin e shkëlqyeshëm të bullgarëve, si dhe lojën e jashtëzakonshme të Kazijskit, Nikollovit dhe Sokollovit. Ne gjithashtu kemi lojtarë shumë të mirë: Dik Kooj, Rob Bontije, Vitce Koojstra, por për fat të keq nuk jemi të nivelit të bullgarëve.”

Kështu deri në fund të garës në grupin A të Ligës botërore të volejbollit Bullgaria duhet të përballojë dy ndeshjet kundër Brazilit, pas të cilave do të vendoset se kush do të jetë i parë dhe kush do të jetë i dytë në grup.

Përgatiti në shqip: Vesella Mançeva

Më shumë nga rubrika

Grigor Dimitrov

Tenisti Grigor Dimitrov është gati të kthehet në TOP 20

Tenisti më i mirë bullgar Grigor Dimitrov kapërceu shtatë vende deri në 21, falë gjysmëfinales së tij në turneun e Serisë Masters në Indian Wells, ku ai mundi me sukses Daniil Medvedev dhe Hubert Hurkach para se të humbte nga kampioni i ardhshëm..

botuar më 21-10-18 3.51.MD
Borjana Kalejn

Borjana Kalejn me medalje të arta për lojën e saj me top dhe rreth në Rumani

Më 17 tetor Borjana Kalejn fitoi medalje të arta në finalet me top dhe rreth të Kupës Botërore të vargut Challenge në qytetin rumun Cluj. Bullgaria, e cila para kësaj zuri vendin e parë edhe në shumëgarësh, mori një rezultat prej 26,650 pikësh në..

botuar më 21-10-18 10.13.PD
Grigor Dimitrov

Për herë të parë Grigor Dimitrov do të luajë në gjysmëfinale në Indian Wells

Tenisti më i mirë bullgar Grigor Dimitrov vazhdon lojën e tij të mirë në turneun Masters në Indian Wells. Në një ndeshje nga çerekfinalet, bullgari tregoi shpirt luftarak dhe përsëri, pasi në raundin e 16 arriti të bëjë një kthesë në ndeshjen këtë..

botuar më 21-10-15 9.17.PD