15 gusht – Fjetja e Shën Mërisë

botuar më 10-08-13 8.39.PD

Foto: pravoslavieto.com

Çdo vit më 15 gusht Kisha Ortodokse Bullgare shënon festën e madhe të krishtere – Fjetjen e Shën Mërisë. Populli e quan këtë festë – Hyjlindësen e Tërëshenjtë. Kjo është dita e vdekjes së Shën Mërisë. Në të gjitha kishat dhe manastiret kryhet Liturgjia e Shenjtë në lavdërim të Nënës së Zotit. Ajo respektohet si mbrojtëse e amësisë dhe mbrojtëse e të gjithë neve para Zotit për gabimet tona të dashur ose të padashur. Që nga çasti i Fjetjes, Shën Mëria qëndron nga e djathta e birit të vet Izu Krishti dhe me lutjet e saj prej nëne mbron tërë botën e krishtere.

Para më se 2 000 vjetësh Mëria 64-vjeçare jetonte në Jerusalem në shtëpinë e Shën Jonit. Një ditë kur ajo i drejtonte lutje Zotit në malin e Elinoit, te ajo erdhi krye engjëlli Gavraill me një degëze dafine. Kështu ai e lajmëroi vdekjen e afërt. Shën Mëria e pranoi me gëzim lajmin dhe deshi që para vdekjes të takohet me të gjithë Apostujt e Shenjtë. Si një çudie prej Zoti atë ditë të gjithë Apostujt erdhën nga të gjitha anët e botës, që të bëhen dëshmitarë të Fjetjes së Shën Mërisë. Në çastin e fjetjes mbarë dhoma u mbush me erë të mirë dhe u dëgjua kënga e engjëjve: “Gëzohu, o grua e bekuar. Zoti është me ty.” Në vend të trishtimit Apostujt u gëzuan tepër. E varrosën kufomën në Getsimanija, në afërsi të varreve të prindërve të saj dhe të Shën Josif.
Sipas kishës së krishtere vdekja e Hyjlindëses së Tërëshenjtë përbën kalimin në një dimension tjetër – dimensioni i jetës së përjetshme. Pas Fjetjes, Nëna e Zotit u shndërrua në mbrojtëse të mbarë qytetërimit në çastet e tij më të vështira. Është tepër e ndjeshme prania e saj në jetën e krishterëve. Me tërë forcën e vet hyjnore, kur është e domosdoshme, ajo mbron të gjithë ata, që kanë nevojë dhe i kanë drejtuar lutje.

Bullgarët e quajnë festën e Fjetjes së Shën Mërisë – Hyjlindësjen e Tërëshenjtë. Këtë ditë e kremtojnë kryesisht gratë. Ato brumosin Bukën e Hyjlindëses dhe u shpërndajnë të tjerëve së bashku me fruta për shëndet dhe për përshpirtjen e të vdekurve. Në disa rajone të Bullgarisë organizohen edhe tubime. Kjo zakonisht bëhet në vende të shenjta dhe të bekuara në afërsi të kishave dhe manastireve, të cilat mbajnë emrin e Shën Mërisë. Anë e mbanë Bullgarisë Hyjlindësja respektohet nga gratë si mbrojtëse e amësisë, martesës dhe vatrës familjare. Besohet se ajo u ndihmon familjeve pa fëmijë të kenë foshnjë. Prandaj kjo ditë çdo nuse pa fëmijë vërë para ikonës së Shën Mërisë dhurata. Kjo që të lutë mbrojtjen e saj. Në shumë rajone të Bullgarisë njerëzit shënojnë Hyjlindësen e Tërëshenjtë si një nga festat e kushtuara rendimenteve të reja. Ja përse që të ketë bereqet të bollshëm bëhen kurbane të mëdha.

Përgatiti në shqip: Svetllana Dimitrova

Последвайте ни и в Google News Showcase, за да научите най-важното от деня!

Ndaje

15 gusht – Fjetja e Shën Mërisë

Më shumë nga rubrika

Mitropoliti Kliment - në shërbim të Zotit dhe Atdheut

Perperikon hyri në top 10 të objekteve botërore, sipas "Guardian"

Shën Nikollaj Çudibërësi - mishërimi i mëshirës vetëmohuese

Mitropoliti Kliment - në shërbim të Zotit dhe Atdheut