Bullgaria mbetet prapa nga shtetet e tjera evropiane për nga numri i njerëzve me arsim të lart

botuar më 10-10-28 12.06.MD

Bullgari gjithmonë e ka cilësuar lartë edukimin. Në të kaluarën familjet shpesh kanë shitur prona të patundshme për të pasur mundësi që fëmijët e tyre të studiojnë në qendrat e mëdha akademike të Evropës. Nxënësit bullgarë shpesh marrin çmime nga konkurse ndërkombëtare në fushën e shkencave të sakta. Mirëpo kohët e fundit tendencat në fushën e arsimit në Bullgari nuk janë të favorshme. Këtë e pohon një analizë e bërë nga Dhoma Ekonomike Bullgare për periudhën 2005 – 2009.

Bullgaria është ndër vendet e fundit në Evropë për nga përqindja e nxënësve që vazhdojnë të studiojnë në universitet, pas Qipros dhe Sllovakisë. Për nga përqindja e punuesve me arsim të lartë gjithashtu jemi ndër vendet e fundit në Evropë. Tendenca të këqija ka edhe në shkollat bullgare. Përqindja e bullgarëve në moshë 15-14 vjeç, që shkojnë në shkolla ose në universitete është më e ulët në Kontinentin e vjetër. Situata është e tillë edhe për kategorinë tjetër – të nxënësve dhe studentëve në moshë nga 5 deri më 29 vjeç. Duke pasur parasysh këto tendenca Bullgaria nuk do të mund të arrijë qëllimin e strategjisë “Europa 2020”. Kjo strategji parashikon që në vitin 2020 njerëzit me diploma baçelor dhe master të jenë 40%. Gjatë vitit 2009 kjo përqindja ishte vetëm 25,2% dhe me siguri Bullgaria mbetet prapë në këtë fushë. “Studimi gjatë tërë jetës” që promovohet në BE nuk ka tradita në Bullgari. Në se në Evropë 9,5% të njerëzve marrin pjesë në trajnime dhe në fushata arsimore gjatë tërë karrierës së tyre, përqindja e këtyre njerëzve në Bullgari është vetëm 1,4%.

Në këtë situatë përfundimi i studimit të Dhomës Ekonomike Bullgare është se edhe në të ardhmen Bullgaria do të vuajë nga mungesa e kuadrove të kualifikuara. Sipas punëdhënësve sistemi i arsimit te ne nuk përgatit kuadro me aftësi adekuate dhe shpesh kualifikimi është më i ulët sesa janë nevojat e biznesit. Analiza tregon se një e katërta e bullgarëve punojnë në fushën e tregtisë dhe furnizimit të mallrave, pastaj janë profesionet si shoferë dhe kamerierë. Në këto fusha punojnë 11% të bullgarëve. Llogaritarët janë 9% të nëpunësve dhe vetëm 8% punojnë si mësues.

Përgatiti në shqip: Jordanka Ivanova

Последвайте ни и в Google News Showcase, за да научите най-важното от деня!

Ndaje

Bullgaria mbetet prapa nga shtetet e tjera evropiane për nga numri i njerëzve me arsim të lart

Më shumë nga rubrika

Nëse Google mund të fliste - për çfarë ishim të emocionuar në 2024

Aplikacioni turistik "Go Dimitrovgrad" nis nga puna në Caribrod

Ndryshohen rendi dhe kushtet për lëshimin e vizave dhe regjimi i vizave

Kisha Ortodokse Bullgare dhe Radioja Kombëtare Bullgare bashkojnë forcat në mbështetjen shpirtërore të bashkatdhetarëve jashtë vendit

150 vjet nga lindja e Ark. Dabko Dabkov, i cili la një gjurmë të ndritshme në pamjen e qytetit bregdetar Varna

Zgjedhja bullgare për fjalën e vitit 2024 është Shengen