Bullgaria në dimrin e nxehtë politik

botuar më 10-11-01 11.49.PD

“Një buxhet krejt jo adekuat. Shteti kurrë nuk ka harxhuar kaq shumë sa tani, kurse ne jemi në krizë”, është kategorik sociologut Kënço Stojçev.

Foto: BGNES

“Dimri i pakënaqësive tona”, por jo sipas John Steinbeck, mund të na ndodhet. Kjo shihet në prognozën e sociologut Kënço Stojçev nga agjencia BBSS – Gallup International, i cili komenton zhvillimin e proceseve politike në vend. Sipas sondazhit të fundit të agjencisë që u zhvillua nga 30 shtatori deri më 7 tetor, në qoftë se zgjedhjet ishin në fillim të tetorit, për partinë në fuqi do të votonin 35,2% të atyre që kanë të drejtën e votimit. Pavarësisht nga rejtingu i lartë i partisë GERB, kohët e fundit shumica e bullgarëve janë të mendimit se kjo është një qeverisje kaotike, thotë Kënço Stojçev. Tani në qendër të vëmendjes është buxheti i shtetit për vitin 2011. Gjatë debateve në parlament ai u kritikua ashpër nga opozita. Koalicioni Blu, i cili e mbështet qeverinë, gjithashtu shprehu pakënaqësi.

“Një buxhet krejt jo adekuat – është vlerësimi i sociologut Kënço Stojçev. – Shteti kurrë nuk ka harxhuar kaq shumë sa tani, kurse ne jemi në krizë”, është kategorik ai.

Pavarësisht se e mbështet qeverinë, Koalicioni Blu është në opozitë për çështjen e buxhetit. Mbështetja e partisë “Ataka” është pa rezerva, por sipas udhëheqësit të saj Volen Siderov, kjo mund të ndryshohet.

“Kjo nuk ma befason, madje pres që gjatë muajve të vijueshëm largimi të vazhdojë. Kjo tendencë është problem, sepse kemi një qeveri të minoritetit – vazhdon Kënço Stojçev. – Njëkohësisht rritet tensioni ndër përfaqësuesit e tjerë të së djathtës në Bullgari – Koalicioni Blu. Atje diferencat bëhen gjithnjë e më të mëdha, sepse politika e qeverisë mund të caktohet në çdo mënyrë, por jo si e djathtë.”

Presidenti Georgi Përvanov pohoi krijimin e një projekti me pjesëmarrjen e tij, i cili do të shpallet më 11 nëntor të këtij viti. Sipas tij kjo do të jetë një nismë e gjerë shoqërore. Kënço Stojçev komenton projektin e ardhshëm dhe reagimin e Partisë Socialiste Bullgare, cilës i përkiste Georgi Përvanov para se të bëhet president.

“Fakti se presidenti ka vendosur që pas nja dhjetë ditëve të shpallë formimin e projektit të ri, tregon largpamësi, aftësi për të pritur momentin e përshtatshëm – mendon Kënço Stojçev. – Po të kishte shpallur diçka gjatë shtatorit, madje të ishte diçka gjeniale, nuk do ta dëgjonin. Ndërsa tani momenti është shumë i mirë. Nuk pres diçka të befasishme në reagimin e Partisë Socialiste Bullgare. Duket se vija, në të cilën do të lëvizet Përvanovi, do të jetë një format shumë më i gjerë se ai partiak. Kjo do të jetë më tepër një lëvizje kombëtare që jep më shumë mundësi se sa Partia Socialiste, ndoshta me një prani të fortë të së majtës dhe qendrës.”

Përgatiti në shqip: Ekaterina Tarpomanova

По публикацията работи: Iliana Rajçeva

Последвайте ни и в Google News Showcase, за да научите най-важното от деня!