Industria bullgare e IT-së me 10% rritje për vitin 2010

botuar më 10-11-22 1.56.MD

Ekspertët e Shoqatës bullgare të kompanive të softuerit paraqitën rezultatet e studimit “Barometër i industrisë bullgare të IT-së”

Foto: www.dnevnik.bg

Firmat e softuerit presin një rritje prej 10% për vitin 2010. Këtë e tregon studimi “Barometër i industrisë bullgare të IT-së”, që është bërë nga Shoqata bullgare e kompanive të softuerit ndër 45 firmat. Industria e softuerit ruan pozicionet e veta si një prej pak sektorëve të ekonomisë sonë me vlerën e shtuar të lartë dhe të aftë për konkurrencë në botë, me gjithë kushtet e vështira ekonomike. Destinacioni eksportues prijës mbetet Evropa me 74% të porosive. Në vendin e dytë është Amerika Veriore dhe veçanërisht SHBA-ja me 26% të eksportit. Zakonisht industria bullgare e IT-së është më e fortë në shërbimet, sesa në përgatitjen e një produkti të ri, i cili të shitet në tregje. 3 vitet e fundit vërehet tendenca e rritjes së shitjeve të produkteve të tilla të gatshme, që do të thotë se industria bullgare e IT-së kalon në një kategori më të lartë.

Pse liderët botërorë të industrisë së IT-së përdorin shërbime dhe produkte të firmave bullgare, kur Kina dhe India janë konkurrentë të fuqishëm?

“Kompanitë e mëdha të softuerit në Kinë dhe Indi janë kryesisht të tilla, që punojnë autsorsing – d.m.th. dikush i porosit diçka dhe ato ia bëjnë – tregon përparësitë e firmave bullgare Georgi Zaharievi nga Këshilli drejtues i Shoqatës së kompanive të softuerit. – Shumë kompani bullgare tashmë janë riorientuar nga ky model i biznesit drejt përgatitjes së produkteve të veta, shitja dhe zhvillimi i këtyre produkteve është në një nivel më të lartë nga vet autsorsingu.”

Cila produkte përgatiten dhe eksportojnë kompanitë bullgare?

“Pjesa kryesore është lidhur me shërbimin e kërkesave të biznesit si softueri për shërbim të klientëve, sistemet e mëdha për menaxhimin e tërë biznesit, softueri i kontabilitetit etj. – shpjegon Georgi Zaharievi. – Fushat më të mëdha të shërbimeve të softuerit janë autsorsingu, ueb dizajni, ueb projektet. Në vendin e tretë është shitja dhe përgatitja e sistemeve të gatshme. Ueb dizajni në shkallën botërore është një fushë e gjerë, çdo sekondë përgatiten shumë sajte, normalisht se kompanitë bullgare të kenë një pjesë prej tyre. Në të vërtetë jemi të mirë. Ka shumë sajte të mira bullgare, ka shumë sajte me kualitet të lartë, që janë përgatitur në kompanitë bullgare për tregun e jashtëm.”

Si dega e softuerit do të përfundojë vitin 2010 dhe çfarë parashikohet për vitin 2011?

“Për vitin 2010 presim që të realizohet prognoza jonë për rritjen e shitjeve brenda 10%, ndërsa për vitin 2011 nuk presim ndryshim të madh – përgjithëson tendencat në këtë degë zoti Zahariev. – D.m.th. nuk do të ketë zhvillim të madh në tregun e produkteve dhe industrive të softuerit. Por nuk parashikohet një krizë e re. Për standardet e industrisë së softuerit kjo është një rritje e vogël. Sepse kjo që do ta kënaqte një kompani të mesme është rritja jo më pak se 20-25% në vit.”

Çfarë vend zë Bullgaria në krahasim me vendet e tjera nga BE-ja?

“Po të krahasohemi me vendet nga rajoni si Greqia dhe Rumania, të cilat kanë shumë programorë, ne jemi vendosur mjaft mirë në hartën e Evropës – shton Georgi Zaharievi nga Shoqata e kompanive të softuerit. – Ka shumë kompani ndërkombëtare, të cilat i bëjnë qendrat e tyre në Bullgari. Gjithsesi ato vijnë te ne, kurse jo në Kinë dhe Indi, ku çmimi është më i ulët, sepse kualifikimi i programorëve dhe menaxherëve të kompanive në Bullgari është në një nivel më të lartë.”

Përgatiti në shqip: Anna Kapitanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Industria bullgare e IT-së me 10% rritje për vitin 2010

Më shumë nga rubrika

Pas përditësimit të të dhënave, PBB-ja e Bullgarisë për vitin 2023 po rritet

Bullgaria është e 52-ta në mesin e 165 vendeve për sa i përket lirisë ekonomike

Statistikat tregojnë një rënie të mprehtë të inflacionit vjetor në vend

Instituti për Ekonominë e Tregut bën thirrje për një deficit buxhetor nën 3%