Panorama sportive

botuar më 10-12-06 12.10.MD

Vanja Stambollova u shpall sportiste numër 1 e atletikës së lehtë në Bullgari për vitin 2010.

Foto: BGNES

Pas disa mossuksesesh në raundin e pestë të fazës grupore të Ligës së futbollit Europa përfaqësuesit bullgarë “Levski” dhe “CSKA” humbën shanset e tyre për pjesëmarrje në fazën e ardhshme të turneut. “Levski” humbi me 0:1 si mik i “Gent” në Belgjikë. Një humbje të re pësoi dhe skuadra CSKA në Bullgari kundër “Beshiktash” (Turqi) me 1:2.

Basketbollistët e “Lukojl Akademik” shënuan një fitore të tretë në turneun “Euro Çalënxh” si miq të skuadrës zvicerane “Lugano Basket”. Më shumë pika për skuadrën bullgare shënoi qendra nga Lituania Kaspars Kambala, i cili realizoi gjithsej 22 pika.

Skuadra e basketbollit për meshkuj “Levski” mundi skuadrën boshnjake “Zrinski Mostar” si mik. Ky është suksesi i tretë i skuadrës në grupin A të EUROHOLD, Liga ballkanike. Ndërkaq një përfaqësues tjetër bullgar në Ligën ballkanike, skuadra “Ballkan” (Botevgrad) pësoi një humbje të rëndë si mik i skuadrës maqedonase “Feni Industris” dhe skuadra mbeti në vendin e parafundit në grupin paraprak B të turneut.

Ylli i volejbollit bullgar Matej Kazijski u bë Burri i vitit 2010. Sportisti u nominua për këtë titull nga Radio Darik bashkë me zëvendës kryeministrin Cvetan Cvetanov dhe ministrin e zhvillimit regjional dhe urbanizimit Rosen Plevenliev. Para një viti Matej Kazijski zuri vendin e dhjetë në klasifikimin e Radios Darik. Atëherë ai u gjend në klasifikim për shkak të medaljeve të bronzta të fituara nga kombëtarët në Kampionatin evropian të volejbollit në Turqi. Tani Kazijski e mori këtë njohje për shkak të stinës së tij suksesshme në klubin italian “Trento”, megjithë vendin e shtatë të vendit tonë në Kampionatin botëror në Itali.
Vanja Stambollova u shpall sportiste numër 1 e atletikës së lehtë në Bullgari për vitin 2010. Vrapuesja fitoi vendin e parë në anketën e 13-të të organizuar nga revista “Atletika”. Sivjet Vanja Stambollova fitoi një medalje të bronztë në disiplinën vrapim në 400 metra në Kampionatin botëror në sallë në Doha (Katar) dhe një medalje të argjendtë në disiplinën vrapim me pengesa në 400 metra në Kampionatin evropian në të hapur në Barcelonë. Vanja Stambollova e fitoi këtë titull për herë të dytë. Në vitin 2006 ajo gjithashtu ishte shpallur sportiste numër 1 e atletikës së lehtë në Bullgari.

Antoaneta Stefanova u klasifikua për raundin e dytë të kampionatit botëror të shahut për femra, i cili po zhvillohet në qytetin turk Antalia. Në raundin e parë Antoaneta Stefanova, e cila është ish kampione botërore dhe ish kampione evropiane e shahut për femra, fitoi kundër Ingrid Aliaga Fernandes nga Peruja me 2:0 pika. Në raundin tjetër Stefanova do të luajë me fituesen e ndeshjes midis Ana Ushenkina nga Ukraina dhe Huan Czjan nga Kina.

Përgatiti në shqip: Vesella Mançeva

По публикацията работи: Vilhelm Baltaxhjan

Последвайте ни и в Google News Showcase, за да научите най-важното от деня!

Ndaje

Panorama sportive

Më shumë nga rubrika

Plovdivi mori flamurin e Kampionatit Evropian të Kanotazhit 2025

Gjithsej dy medalje bronzi për Borjana Kalejn në Kupën e Botës në Tashkent

Bullgaria ka një kampion evropian në boks për meshkuj

Zviceranët i hodhën themelet e edukimit fizik në Bullgari