Çmimet e bukës dhe vajit do të rriten, por në mënyrë të ngadaltë

botuar më 11-01-14 12.35.MD

Në ditët e para të Vitit të Ri në hapësirën publike u shfaqën lajme spekulative për rritje të çmimeve të produkteve kryesore ushqimore, si buka dhe vaji. Flitej se çmimet e drithërave vazhdojnë të rriten dhe kjo me siguri do të ndikojë seriozisht mbi çmimin e bukës tek ne. A është e vërteta kjo?

Analiza e kujdesshme e situatës tregon se ndryshe nga rajone të tjera të botës, ku të korrat e fundit në drithëra ishin dëmtuar seriozisht për shkak të kushteve të këqija natyrore, në Bullgari të korrat ishin relativisht të mira dhe prodhuesit bullgarë të drithërave e kishin mundësinë të shesin një pjesë të madhe të prodhimit të vet në tregjet botërore në çmime të mira. Më të larta ishin çmimet edhe në tregun e brendshëm.

“Aktualisht disponojmë me 1,5 tonë drithëra - tha ministri i bujqësisë dhe ushqimeve Mirosllav Najdenov. – Në muajt e ardhshme do të kemi nevojë për pak më se 1 milion tonë. Domethënë kemi tepricë prej pothuaj gjysmë milion tonë. Bilanci i drithërave nuk është i rrezikuar dhe bile do të kemi mundësi të eksportojmë. Kështu që nuk ekziston shkak për një rritje të madhe të çmimit të bukës. Kjo mund të thuhet për të gjithë produktet e tjera ushqimore.”

Ministri shpjegoi se në të njëjtën kohë ekziston një tendencë tjetër të rritjes së çmimeve të produkteve ushqimore në tregjet botërore dhe kjo tendencë me siguri do të ndikojë edhe Bullgarinë. Duke folur për prodhuesit e bukës në Bullgari, ata punojnë në një situatë të vështirë. Nga njëra anë janë çmimet në tregjet botërore, të cilat vazhdimisht rriten dhe nga ana tjetër ata janë nën ndikimin e konkurrencës së padrejtë në sektorin e tyre, e cila e pakëson në mënyrë artificiale çmimin e bukës. Një faktor tjetër me rëndësi gjatë viteve të fundit janë zinxhirët e mëdhenj tregtarë, të cilët gjithashtu shesin bukë me çmime të ulëta. Qeveria premtoi se do të ndërhyjë në treg në favor të prodhuesve të bukës duke ndihmuar për pakësimin e sektorit joformal në këtë fushë dhe duke ndërmarrë masa kundër konkurrencës së padrejtë të zinxhirëve të mëdhenj tregtarë.

“Situata është e tillë se prodhuesi i varfër bullgar duhet të subvencionojë tregtarët e mëdhenj, të cilët në shumicën e rasteve bile nuk janë tregtarë bullgarë. Kjo bëhet e mundshme me anë të kontratave për shtyrjen e pagimeve, të skemave për kthimin e prodhimit jo të realizuar dhe me anë të pakësimit të çmimit për llogari të cilësisë.”

“Zbritjet kurrë nuk janë për llogari të zinxhirëve tregtarë, ata janë për llogari të furnizuesve” – pohon Georgi Popov – kryetar i Bashkimit të prodhuesve të bukës.

Në fakt, lajmet, të cilat u shfaqën në hapësirën publike për rritje të çmimeve kishin si bazë ofertat paraprake të prodhuesve bullgarë në negociatat me tregtarët e mëdhenj për periudhën e re të kontratës. Është normale që në fillim ata të shpallin çmime të larta duke dëshiruar që të nënshkruajnë marrëveshje me çmime më të mira.

“Aktualisht në Bullgari çmimi i bukës është nën vlerën e tij reale për shkak të presionit të sektorit të zezë – pohon zoti Popov. Duke pasur parasysh se çmimet e lëndëve të para në tregun bullgar janë të barabarta me çmimet në shtetet e tjera të Evropës, nuk është normale që çmimi i produktit përfundimtar – në këtë rast çmimi i bukës të jetë më i ulët në krahasim me çmimin e bukës në Evropë.”

Përgatiti në shqip: Jordanka Ivanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Çmimet e bukës dhe vajit do të rriten, por në mënyrë të ngadaltë

Më shumë nga rubrika

Do të modernizojnë ndërmarrjen e vetme shtetërore të përpunimit të qumështit "LB Bulgaricum"

Mbërrin ngarkesa e parë e gazit natyror nga terminali i Aleksandrupolis

Në Burgas po hapet një uzinë për automobila të blinduar