Danubi – një lumë i harruar

botuar më 11-01-18 12.30.MD

Foto: Aleksandër Ivanov

Danubi, lumi më i gjatë evropian pas Volgës, ende mban shenjat e Perdes së hekurt që e gardhonte në vazhdim të gjysmë shekulli. Roli historik i lumit si një ind lidhës kulturor midis Lindjes dhe Perëndimit dhe një korridor kryesor të transportit në kontinent ishte harruar. Dy pjesët e lumit zhvilloheshin në mënyrë të ndryshme dhe mungonte një vizion i përbashkët për të ardhmen e tij. Sot Evropa rikujton rëndësinë e këtij korridori ujor dhe Komisioni Evropian përpunoi një strategji të gjerë për zhvillimin e regjionit të Danubit, i cili bashkon afro 100 milionë banorë. Qëllimi i kësaj nisme është të zgjerohet potenciali i madh ekonomik i regjionit. Njëkohësisht duhet të përmirësohen pastërtia dhe cilësitë biologjike të lumit dhe të ruhet flora dhe fauna e pasur e Danubit, veçanërisht në pjesën e tij të poshtme. Përpjekjet që lumi të imponohet si një korridor i rëndësishëm i transportit mund të dëmtojnë seriozisht resurset e tij natyrore, të cilat nuk janë më pak të rëndësishme.

Fondi botëror për natyrën e egër (WWF) është një nga organizatat më aktive që mbrojnë linjën e zhvillimit të qëndrueshëm të regjionit të Danubit. Dega bullgare e WWF organizoi një varg ekspozitash për bukuritë natyrore të Danubit në pjesën e tij bullgare.

“Sot e çuam tek ju Danubin, lumin më të rëndësishëm për Bullgarinë, por pak të harruar – tha në hapjen e ekspozitës së parë në Universitetin e Sofjes “Shën Kliment Ohridski” Veselina Kavrëkova, udhëheqëse programore e WWF-Bullgari. – E dimë se jeta është lindur rreth lumenjve, kurse Danubi ndoshta është lumi më i rëndësishëm i Evropës, i cili bashkon me pellgun e tij popullsinë e 18 shteteve. Por ky lumë nuk është vetëm metra kub resurs ujor, megavate energji ose milionë euro të ardhura, siç e konsiderojnë shumë njerëz sot. Rrjedhja e poshtme e Danubit është një nga pak lumenjtë e egër në Evropë, ku mund të shihni kafshë dhe bimë që nuk ndeshen tjetërkund. Kurse pranë tij banojnë njerëz që kanë ruajtur tradita shekullore.”

Mbrojtësit e natyrës janë shqetësuar nga idetë për gërmimin e thellë të rrjedhës së poshtme të lumit që të mund të kalojnë atje anije më të mëdha. Kjo sipas tyre do të asgjësojë një pjesë të madhe të florës dhe faunës së pasur në lumë dhe rreth tij. Delta e Danubit, një parajsë e vërtetë për shpendët, është një nga pak vendet, ku ruhet shumëllojshmëria biologjike e Kontinentit të vjetër. Propozimi i mbrojtësve të natyrës është jo lumi të adaptohet me llojet e ndryshme të anijeve, por përkundrazi – anijet të vihen në përputhje me mundësitë për lundrim në Danubin e poshtëm. Këtë mendim e ndajnë dhe 6 fotografët nga Bullgaria, Rumania, Austria dhe Franca, të cilët prezantojnë bukuritë e kësaj pjese të Danubit me fotografitë e tyre që janë përfshirë në ekspozitën e WWF. Njëri prej tyre, Aleksandër Ivanov, ka bërë fotografi nga ajri.

“Mendoja se e njoh Danubin, por ai doli shumë i ndryshëm nga përfytyrimet e mia – tha fotografi bullgar. – Dua që të gjithë ne të kthehemi te ky lumë, sepse vitet e fundit e kemi harruar. Ai është një lumë i madh që është lidhur thellësisht me historinë bullgare. Disa njerëz dëshirojnë të ndalin vrullin e tij, por tani për tani ata nuk kanë shans, sepse kjo varet nga të gjithë ne.”

Përgatiti në shqip: Ekaterina Tarpomanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Danubi – një lumë i harruar

Më shumë nga rubrika

Bullgarët e vetëshpallur në Maqedoninë e Veriut janë shumë më tepër se ata të regjistruar

Si do të ndikojë në BE rezultati i zgjedhjeve presidenciale në SHBA

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Chat-i bullgar me inteligjencën artificiale BgGPT mund të shfrytëzohet falas nga të gjithë

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj