Tendenca të reja në tregun e mediave

botuar më 11-01-19 12.27.MD

Foto: Jana Mihajllova

Gjatë viteve të fundit politikanët gjithnjë e më shumë i përdorin mediat për qëllimet e veta politike. Sipas ekspertëve gjatë vitit 2010 varësia e mediave nga interesat korporatave dhe nga politika arriti nivele të reja. Kriza financiare dhe pakësimi i të ardhurave nga reklama janë ndër shkaqet kryesore për të cilat mediat kërkojnë mundësi të reja për financim, mendon Dobromir Zhekov nga agjencia “Market Links”.

Kryeministri Bojko Borisov është politikani, për të cilin flitet më shpesh në hapësirën publike. Këtë e tregojnë të dhënat e një studimi të informatës, e cila ofrohet në faqet e 7 përditshmeve kryesore bullgare. Kjo analizë ishte bërë nga agjencia “Market Links” dhe ishte shpallur në kuadrin e një konference të organizuar nga fondacionet “Demokracia e mediave” dhe “Konrad Adenauer”. Shpesh në faqet e gazetave shfaqen edhe emrat e të dy zëvendësministrave Cvetan Cvetanov dhe Simeon Djankov dhe të presidentit bullgar Georgi Përvanov.

Rezultatet e studimit tregojnë dhe një fenomen tjetër interesant – shumica e teksteve të botuara për qeverinë dhe për qeverisjen janë negative, por ato për kryeministrin Borisov janë tërësisht pozitive. Sipas Totka Monova, dekane e Fakultetit të gazetarisë pranë Universitetit të Sofjes, gjatë vitit 2010 informata, e cila ofrohet nga mediat dallohet nga analiza e paanshme të ngjarjeve dhe i ngjan më shumë tregimit letrar. “Mediat funksionojnë si dramaturgë, jo si analizatorë të tranzicionit. Ata prezantojnë komplote dhe ndërtojnë imazhe të heronjve ” – është e mendimit ajo.

Sipas kryetarit të Këshillit të mediave elektronike Georgi Llozanov gjatë vitit të kaluar ndodhi diçka e re: “Ambienti u ndryshua tërësisht - tha ai. – Të paktën sepse u ndryshuan lojtarët kryesorë në mediat elektronike, me të cilët gjatë kohës së tranzicionit i lidhnim investimet e huaja te ne. Tashmë informacioni nuk do të ofrohet në mënyrën, në të cilën ofrohej gjatë 15 vjetëve të fundit. Tregu i shërbimeve informative do të jetë gjithnjë e më i njëanshëm. Është tregues fakti se televizionet dhe programet e radiove që janë politematike fillojnë të zhduken. Programet do të jenë gjithnjë e më të specializuara, të drejtuara drejt një auditori. Shtypi do të humbë pozitat e veta në sajë të mediave elektronike.”

Ekspertët komentuan gjithashtu skandalin e kohës së fundit në hapësirën publike bullgare të lidhur me përgjimin e bisedave telefonike të shefit të doganës me kryeministrin Bojko Borisov, me ministra dhe deputetë. “Përgjimi filloi të kthehet në sistem të dytë të informimit dhe po ekziston rrezik që ambienti i mediave të kthehet në një “Big Brother”, është i mendimit Georgi Lozanov. Mendoj se kjo është shumë dëmtuese për publicitetin e mediave. Informata e marrë nëpërmjet përgjimit është mbledhur në kundërshtim me të drejtat njerëzore. Me siguri përgjimi mund të jetë një mjet për grumbullimin e informatës së lidhur me ndonjë krimi, por fakti i shfaqjes së kësaj informate në hapësirën publike është shumë shqetësues. Cilësia e informacionit varret edhe nga mënyra e grumbullimit të tij. Kjo do të thotë se cilësia e ambientit të mediave varret nga mënyra e grumbullimit të informacionit. Ai duhet të mblidhet sipas standardeve të përcaktuara etike.”

Përgatiti në shqip: Jordanka Ivanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Tendenca të reja në tregun e mediave

Më shumë nga rubrika

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Chat-i bullgar me inteligjencën artificiale BgGPT mund të shfrytëzohet falas nga të gjithë

Pse Sofja është kryeqyteti i përshtatshëm për Tubimin Panortodoks

WWF Bullgaria i kushton vëmendje mbrojtjes së arinjve

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Gjimnazistë bullgarë në një betejë me dezinformimin