Hapja e vendeve “të gjelbra” të punës do të pakësojë numrin e të papunëve në Bullgari

botuar më 11-01-28 2.33.MD

Prioritet i politikës evropiane gjatë disa vjetëve të ardhshme do të jetë kalimi drejt ekonomisë “së gjelbër”, e cila nuk dëmton mjedisin. Ndryshimet e klimës dhe sosja e resurseve të planetit tregojnë domosdoshmërinë e një zhvillimi të qëndrueshëm që garanton prosperitetin e shoqërisë duke ruajtur mjedisin. Krijimi i vendeve “të gjelbra” të punës është mënyrë për kapërcimin e pasojave nga kriza ekonomike dhe papunësia.

Në Bullgari është duke filluar procesi i kalimit drejt një ekonomie ekologjike. Shembull për këtë është ristrukturimi i energjetikës, kështu që në atmosferë të lëshohen më pak gazra karboni, zhvillimi i efikasitetit energjetik dhe i burimeve të ripërtëritshme energjike, inkurajimi i turizmit ekologjik dhe formave të ndryshme të transportimit ekologjik. Mundësi për krijimin e vendeve “të gjelbra” të punës ekzistojnë në fushën e bujqësisë, ekonomisë pyjore, në fushën e energjetikës dhe të teknologjive për kursimin e energjisë. Sipas Ligjit për inkurajimin e punësisë vende “të gjelbra” pune janë ato, të cilat kanë të bëjnë me ruajtjen e mjedisit.

Në Planin kombëtar për veprim në fushën e punësimit për vitin 2011 është parashikuar që shteti të financojë krijimin e vendeve “të gjelbra” të punës në sfera perspektive ekologjike. Kështu do të kufizohet papunësia. Në vende të tilla do të punojnë njerëz, të cilët janë të papunë prej shumë kohe dhe janë regjistruar në zyrat e punësimit prej më shumë se 6 muajve.

Zina Andreeva, drejtore në Agjencinë e punësimit saktësoi sferat, në të cilat mund të krijohen vende “të gjelbra” pune. “Ato mund të jenë në këta sektorë: industria nxjerrëse dhe përpunuese, prodhimi dhe furnizimi i energjisë elektrike dhe i lëndëve të gazta djegëse. Përveç kësaj – në sektorin e shërbimeve – në furnizimin dhe pastrimin e ujërave, veprime të lidhura me gërmimin dhe mirëmbajtjen e kanaleve, menaxhimin e mbeturinave, transportimin. Subvencionimi, që do t’i ofrohet punëdhënësit çdo muaj për një vend “të gjelbër” pune është 240 leva ose 120 euro. Shteti do të paguajë gjithashtu pushimet vjetore dhe pushimet për sëmundje. Punëdhënësi është detyruar të paguajë sigurimet e punëmarrësit dhe të ofrojë shpërblime suplementare.”

Që nga 1 janari i këtij viti punëdhënësit mund të kandidojnë për hapjen e vendeve të gjelbra të punës sipas rregullave të miratuara vitin e kaluar nga qeveria. Subvencionimi buxhetor prej 3 mln leva (1,5 mln euro) do të ofrohet për kohën, në të cilën njerëzit kanë punuar, por për një afat jo më të gjatë se 6 muajve. Këtë subvencionim do të mund ta përdorin 2 100 veta. Në se punëdhënësit shfaqin interes është e mundshme që për vitin 2011mjetet financiare në kuadrin e këtij programi të rriten, informuan nga Ministria e punës dhe politikës sociale Pritet se deri në vitin 2020 vendet e “gjelbra” të punës do të jenë rreth 3 milionë. Tani më shumë vende të tilla ka në Gjermani – 250 mijë.

Përgatiti në shqip: Jordanka Ivanova

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Hapja e vendeve “të gjelbra” të punës do të pakësojë numrin e të papunëve në Bullgari

Më shumë nga rubrika

Filloi Shkolla Verore e Gjuhës Bullgare në Tiranë

Specialistët e filologjisë franceze në vendin tonë kanë mundësi të mira për realizim profesional

Ka pasur shumë interes për kontrollet mjekësore të organizuara nga Bullgaria në Kukës të Shqipërisë

U mbyll me sukses java e parë e Shkollës Verore të Gjuhës Bullgare në Tiranë

Bullgaria i bashkohet një rrjeti evropian për trajtimin e kancerit

Shkolla bullgare e së dielës në Edrene ka nevojë për më shumë klasa