Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kriza preku pagimin e rrogave të punës në dhjetëra firma

Sipas raportit të kryeinspektoratit të punës punonjës dhe nëpunës në dhjetëra firma bullgare nuk kanë marrë pagat e tyre për disa muaj. Vështirësitë e punëdhënësve si rrjedhim i krizës i bën jokorrektë ndaj të emëruarve nga ata dhe në akoma një drejtim – me një pjesë të punonjësve nuk janë lidhur kontrata pune. Kështu nga njëra anë i shkaktohen dëme buxhetit të Institutit Statistikor Kombëtar, kurse nga ana tjetër dëmtohen dhe vetë punonjësit, sepse nga sigurimet e paguara varet dhe përmasa e pensionit të tyre të ardhshëm.

Nga muaji gusht i vitit 2009 deri më 20 janar të këtij viti në saje të Kryeinspektoratit të punës u paguan rreth 88 milionë e gjysmë leva (pothuaj 45 milionë euro) paga të vonuara, shënon ministri social Totju Mlladenov. Megjithë sanksionet e shumta të Kryeinspektoratit, në fund të vitit të kaluar 72 firma nga dega dhe regjione të ndryshme të vendit me personel mbi 16 mijë veta, ende kanë pasur borxhe ndaj punonjësve të tyre me përmasë pothuaj 20 milionë leva (10 milionë euro). Mirëpo në fund të janarit të vitit 2011 situata duket në një mënyrë të ndryshme. 16 punëdhënës tashmë ia kanë paguar rrogat e papaguara të punës punonjësve të tyre, 45 punëdhënës të tjerë i kanë paguar pjesërisht dhe kanë miratuar grafikë të posaçme bashkë me të emëruarit dhe sindikatat, për pagimin e plotë të rrogave. Në listën e zezë mbeten 11 punëdhënës, për të cilët Kryeinspektorati i punës do të angazhojë prokurorinë. Këto firma janë nga sektorë të ndryshëm – ndërtim, tekstil, transport etj.

“Ne nuk e dimë se çfarë hapash do të ndërmarrë prokuroria, shënon ministri social Totju Mlladenov. – Por nuk do të bëjmë kompromise, sepse mospagimi i pagave ose vonimi i tyre për më shumë se tre muaj sipas nesh përbën një rrezik real për shëndetin e këtyre njerëzve, të cilët mbeten pa rroga.” Sipas tij ka mijëra firma bullgare, të cilat janë korrekte ndaj shtetit, kurse një pjesë e vogël prej tyre nuk i respektojnë rregullat. Prandaj Kreyinspektorati i punës do të vazhdojë të bëjë kontrollime. Ekspertët e tij kanë konstatuar mjaftë raste të mosrepsketimit të legjislacionit të punës dhe të fshehjes së të ardhurave nëpërmjet emërimit të punonjësve dhe nëpunësve, pa u lidhur kontrata pune me ta. Ministri Totju Mlladenov saktëson:

“Nga muaji gusht i vitit 2009 deri në fund të vitit të kaluar organet e kontrollit kanë konstatuar mbi 3640 raste të punonjësve dhe nëpunësve pa kontrata pune. Sanksioni për punëdhënësin për çdo një punonjës pa kontratë pune është deri më 15 mijë leva. Do të vazhdojmë kontrollin për respektimin e legjislacionit, pa bërë aspak kompromise, edhe këtë vit. Vetëm gjatë këtij muaji Kryeinspektorati i punës ka konstatuar 460 raste të reja të punonjësve pa kontratë pune, gjë për të cilën janë vënë sanksionet përkatëse kundër punëdhënësit.”

Një pjesë prej punonjësve dhe nëpunësve, të cilët nuk kanë marrë pagat e tyre, kanë ngritur padi kundër punëdhënësve. Megjithatë ka shumë punonjës dhe nëpunës, të cilët kanë preferuar të marrin ndonjë pagë, edhe pse pa kontratë pune, para mundësisë të mbeten pa pagim.

Përgatiti në shqip: Vesella Mançeva
По публикацията работи: Millka Dimitrova


Последвайте ни и в Google News Showcase, за да научите най-важното от деня!

Më shumë nga rubrika

Paga mesatare në Sofje është 3388 leva /1732 euro/

Paga mesatare më e lartë në Bullgari është në qytetin e Sofjes - 3388 leva /1732 euro/, dhe më e ulëta është në Smoljan - 1617 leva /826 euro/. Kështu tregojnë të dhënat e Institutit Kombëtar të Statistikave për muajin dhjetor 2024. Për shkak të pagave në..

botuar më 25-02-15 10.45.PD

Bullgarët janë masivisht të pakënaqur me pagat e tyre, ¼ e tyre janë të varfër që punojnë

94% e punëtorëve në Bullgari nuk janë të kënaqur me shumën e pagës së tyre. Këtë e tregon një anketë e sindikatës “Podkrepa” për shpërblimin e punës në vend, 91 për qind e të anketuarve në sondazhin përfaqësues kanë treguar se marrin të ardhura neto prej më..

botuar më 25-02-12 9.36.PD

Bullgaria ka pagën minimale më të ulët në BE

Ndër vendet anëtare të Bashkimit Evropian, Bullgaria ka pagën minimale më të ulët në janar - 551 euro. Sipas të dhënave të Eurostat-it, më e larta është në Luksemburg – 2638 euro. Për dhjetë vitet e fundit që nga viti 2015 paga minimale në vendin tonë është..

botuar më 25-02-06 2.31.MD