Tema e shëndetësisë është e dhimbshme si për mjekët, ashtu edhe për pacientët në Bullgari. Një provë për këtë është ndërrimi i tre ministrave të shëndetësisë brenda një viti. Dhe deri sa diagnoza është vënë – janë të nevojshme reforma urgjente dhe ristrukturim i spitaleve me detyrime, të cilat të ndalojnë të përdorin mjetet e Arkës Kombëtare të Sigurimit Shëndetësor, metodat e mjekimit të sistemit dolën shumë të dhimbshme. Ministri i tanishëm i shëndetësisë d-r Stefan Konstantinov nuk fsheh se përmendja e frazës “mbyllje e spitaleve” mund t’i kushtojë postin çdo një ministri.
Njëkohësisht ministri Konstantinov është kategorik se aftësia e konkurrencës që i bazohet cilësisë së mjekëve, ndërtesave dhe pajisjeve mjekësore, duhet të jetë në bazën e marrëveshjes midis spitaleve dhe Arkës së Sigurimit Shëndetësor, dhe jo si tani – arka në fakt është detyruar të nënshkruajë marrëveshje me to. Gjatë kësaj jave ministri Konstantinov paraqiti para gazetarëve projektin e pritur të Hartës shëndetësore kombëtare. Ajo në praktikë përcakton për sa spitale, mjekë dhe qendra mjekësore ka nevojë vendi. Harta do të rinovohet çdo tre vjet. Ndryshimet për vitin e ardhshëm janë minimale, pohoi ministri i shëndetësisë dhe shpjegoi se në hartë janë prezantuar numri i nevojshëm dhe numri real i shtretërve spitalorë në vend dhe në regjionet e ndryshme. Aktualisht në Bullgari ka 44 500 shtretër, kurse vendi ka nevojë për 44 000. Dhe ndërsa numri i shtretërve në vend i afrohet normës, po ashpërsohet problemi me shpërndarjen e tyre të parregullt. Në 6 rajone të vendit ata janë nën minimumin kritik, ndërsa në 7 rajone të tjera janë mbi normën. Kryeqyteti është hiperpajisur me spitale. Me një numër të nevojshëm maksimal prej 6850 shtretërve, në Sofje ka mbi 10000 shtretër spitalorë. Më e madhe është teprica e shtretërve kirurgjikë, por nuk mjaftojnë shtretërit e reanimacionit.
“Do të jem i sinqertë. Kur bëhej ky koncepcion, unë nuk isha përkrahës i madh të bëhet një numërim i përpiktë i shtretërve në spitale – tha ministri i shëndetësisë. – Mendoj se duhet të rishikohet tërë ligji, sepse është humbur lidhja midis shtretërve dhe institucionit mjekësor. Nuk përmendet se çfarë ndodh kur shtretërit janë më shumë ose më pak. Ideja është në tërësi të shkurtohet numri i spitaleve, por ato të bëhen më të mira, me më shumë pjesëmarrje të pacientëve në zgjedhjen e mjekimit dhe në kontrollin e procesit të mjekimit. Pra, aksenti të vihet në të drejtat e pacientëve dhe në praktikën e mirë mjekësore. Kriteret për spitalet janë të qarta – kapacitet për punë me një sasi të caktuar njerëzish, personel i kualifikuar, aparaturë moderne. Qëllimi është në fund të fundit të mbeten spitalet e mira, të cilat t’u përgjigjen nevojave për mjekim të mirë të pacientëve.”
Ndërkohë u bë e qartë se Ministria e Shëndetësisë u jep leje veprimtarie 308 spitaleve nga gjithsej 312 të cilat shtruan kandidaturë për regjistrim në fund të janarit të këtij viti. Katër nuk morën leje për shkak të mospërputhjes me standardet mjekësore ose për shkak të falimentimit.
Përgatiti në shqip: Ekaterina Tarpomanova
Nominimet për eurokomisioner bullgar u shpallën në sfondin e zëvendësimit të qeverisë së parë provizore të kryeministrit Dimitër Gllavçev me atë të dytë, në sfondin e një krize të thellë partiake në dy nga forcat politike tradicionale në Bullgari -..
Baza Bullgare në Antarktidë u krijua në vitin 1988. Që nga viti 1993 me dekret të presidentit Zhelju Zhelev e mori emrin e Shenjtorit Kliment Ohridski. Që atëherë e deri më sot, në bazën e vendosur në ishullin Livingston, shkencëtarët bullgarë të..
Përjetime të paharrueshme me birrën e freskët, kokteje të birrës alkoolike dhe joalkoolike të zhvilluara posaçërisht, hite të preferuara bullgare dhe të huaja të hip-hop dhe rok, folklor bullgar dhe meze të shijshme premtojnë nga Komuna e qytetit..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..