“Gatitja me lule dhe alga është njëra nga temat – tha Radi Stambolov, nënpresident i Euro-Toques Bullgarisë. – Po mbërrijnë emra të mëdhenj si Dani Albors nga Spanja, i cili do të gatuajë me alga. Metoda të tilla në kulinari kanë dhe Boris Petrov, Velin Velikov, Jacques Barnachon nga Franca. Një kuzhinier tjetër nga Spanja është ndjekës i mjeshtrit të madh Michel Bras dhe do të tregojë aplikimin e luleve të ngrënshme në kuzhinën e tij.”
Talentin dhe imagjinatën e tyre do të demonstrojnë dhe kuzhinierë të tjerë të famshëm si Morten Thomsen nga Danimarka, Firo Vazqez nga Spanja, Robert Man nga Rumania, Gilbert Welter nga Luksemburgu, Laurent Mahaux nga Belgjika, si edhe mjeshtërit bullgarë. Mikpritja e këtij forumi flet për autoritetin e rritur të artit kulinar bullgar.
“Gëzohem shumë se në Bullgari organizojmë forume të tilla, megjithë vështirësitë, një herë në dy vjet – thotë Radi Stambolov. – Në forumin e mëparshëm, gjatë vitit 2009, kur në skenën dolën kryekuzhinierë si Georgi Georgiev dhe Zhoro Ivanov, morëm një njohje të madhe nga mysafirët francezë. Kjo tregon se Bullgaria ka përparuar shumë në artin kulinar.”
Njohja është rezultat i zhvillimit të shpejtë të biznesit të restoranteve gjatë viteve të fundit, mendon Radi Stambolov. “Bullgarët tashmë e respektojnë shumë profesionin e kryekuzhinierit, ai hyn në sallon, bisedon me klientët, interesohet për shijet dhe pritjet e tyre, pra kulinaria bëhet një spektakël”, shton ai.
Një nga qëllimet e forumit është të ndezë të rinjtë, nxënësit në shkollat e kulinarisë. “Tani për tani pak prej tyre zgjedhin të mbeten në kuzhinë”, pohon Radi Stambolov. Kuzhina bullgare ende nuk është shumë e njohur, por pak nga pak fiton adhurues nëpër botë, në saje të kuzhinierëve bullgarë që punojnë jashtë shtetit. Në shumë qytete me bashkësi emigrantësh bullgarë u dukën restorante bullgare. Ndër ato më prestigjioze ndoshta është “Green Rastaurant” në Seul të Koresë së Jugut. Ai ofron kuzhinë bullgare me aksent mbi ushqimin e shëndetshëm.
Përgatiti në shqip: Ekaterina Tarpomanova
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave..