Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Mendohet për një prag minimal të cilësisë së ushqimeve në zinxhirët tregtarë

Foto: Maria Dimitrova
Shtrenjtimi i lëndëve të para dhe ushqimeve kryesore në botë ishte një nga faktorët që nxitën protestat e popullit në botën arabe. Por si pasojë e rënies së diktatorëve dhe qeverive u rritën çmimet e lëndëve djegëse. Kjo nga ana e vet prapë do të ndikojë në çmimet e ushqimeve dhe nuk dihet se çfarë do të jetë fundi. Spekulimi në këtë fushë ishte tema e diskutimeve në forumet e fundit të vendeve më të zhvilluara ekonomikisht në botë, të ashtuquajturit G-8 dhe G-20. Kjo çështje shkakton shqetësime dhe në Bullgari. Gjatë vitit 2010 u shënua një rritje e madhe e çmimeve të produkteve bujqësore të nevojës së parë. Rritja vjetore e çmimit të lulediellit është me 78%, të grurit – 46%, të misrit – 50%, të rrushit – 38%, të qumështit të lopës – 27%.

Një fren i natyrshëm i zgjerimit të spekulimit janë zinxhirët e mëdhenj tregtarë. Por afro gjysma e bullgarëve banojnë në rajonet fshatare, kurse zinxhirët tregtarë janë në qytetet e mëdha. Atje, ku ekzistojnë, ata përbëjnë 50-70% të tregut. Në praktikë del se popullsia e qyteteve të mëdha, ku të ardhurat janë më të larta, blen produktet ushqimore kryesore me çmime më të ulëta, ndërsa njerëzit në qytetet e vogla dhe fshatrat marrin të ardhura më të vogla, papunësia është më e madhe, kurse ushqimet kryesore janë më të shtrenjta.

Në një takim me përfaqësues të zinxhirëve të mëdhenj tregtarë ministri i bujqësisë dhe ushqimeve Miroslav Najdenov tha: “Me siguri zinxhirët e mëdhenj ndihmojnë që të mos përhapet spekulimi në një nivel maksimal, sepse ata lidhin kontrata me furnizuesit për çmime të caktuara gjatë një periudhe më të gjatë. Çmimet në një zinxhir tregtar ndryshohen ngadalë, ndërsa në dyqanet e vogla ato ndryshohen nga mëngjesi deri në mbrëmje. Në këtë kuptim zinxhirët tregtarë janë një bufer i tregut. Prandaj është mirë se ekzistojnë. Por ne dëshirojmë gjithashtu që kur klientët hyjnë në ta, të jenë të sigurt se paguajnë për produkte me cilësi të mirë.”

Në betejën për më shumë klientë midis zinxhirëve të huaj tregtarë, të cilët hynë në tregun bullgar, u shfaqën shembuj të promocioneve me çmime simbolike. Këto çmime shkaktojnë shqetësime për cilësinë e këtyre produkteve “pothuaj pa para”.

“Kjo që ofrohet në zinxhirët tregtarë me siguri është e parrezikshme – pohon ministri Najdenov. – Por me ta komentuam nëse mund ta rritim këtë nivel të parrezikshmërisë me një nivel të caktuar të cilësisë. Ata nuk janë detyruar të ofrojnë vetëm produkte me cilësinë më të lartë, siç janë për shembull produktet e mishit me shenjën “Stara planina” ose produktet e qumështit sipas Standardit shtetëror bullgar. E kuptojmë se jo të gjithë njerëzit mund të paguajnë çmimin e produkteve me cilësi më të lartë. Prandaj hapëm një diskutim nëse mund të arrijmë një prag të caktuar të cilësisë, të cilin ne si institucion shtetëror mund të mbështetim dhe të themi se produkti, përveç se është i parrezikshëm, ka një cilësi të caktuar dhe është i lirë. Konsumatorët duhet të dinë se kur dëshirojmë të ketë një cilësi më të madhe, duhet të paguajmë për të. U morëm vesh ta zgjatim këtë dialog në një format më të gjerë – midis prodhuesve, përpunuesve dhe tregtarëve.”

Përgatiti në shqip: Ekaterina Tarpomanova
По публикацията работи: Maria Dimitrova


Последвайте ни и в Google News Showcase, за да научите най-важното от деня!

Më shumë nga rubrika

Të rinjtë bullgarë kërkojnë një punë me pagë mbi 4300 leva neto (rreth 2200 euro)

45% e të rinjve në Bullgari preferojnë të punojnë për një punëdhënës bullgar, sipas një sondazhi përfaqësues kombëtar të kryer në maj nga agjencia e sondazheve të marketingut në internet JTN dhe Bulgaria Wants You (një platformë që synon të ofrojë..

botuar më 24-06-13 4.46.MD

Banka Botërore ul parashikimin e saj për rritjen e Produktit të Brendshëm Bruto bullgar me 0.3%.

Banka Botërore parashikon një përmirësim më të përmbajtur të rritjes ekonomike të Bullgarisë këtë vit dhe në vitin 2025. Në raportin e fundit “Perspektiva Ekonomike Globale”, institucioni pret një përshpejtim të lehtë të rritjes së PBB bullgar nga..

botuar më 24-06-12 10.27.PD

Në fillim të vitit 2024, ekonomia raporton rritje të dobët me rënie të importeve dhe eksporteve

Në tremujorin e parë të vitit 2024, produkti i brendshëm bruto (PBB) u rrit me 1.8% krahasuar me të njëjtën periudhë të vitit 2023. Parashikimet e para ishin për një rritje prej 1.7%, sipas të dhënave të Institutit Kombëtar të Statistikave. PBB e..

botuar më 24-06-07 11.56.PD