Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ligji për energjinë nga burimet ripërtëritëse energjetike hyri në fuqi

Angazhimi i Bullgarisë ndaj BE-së është që deri në vitin 2020 përqindja e burimeve ripërtëritëse energjetike të arrijë 16 prej konsumimit të përgjithshëm të energjisë në vend.
Foto: arkiv
Ligji i ri për energjinë nga burimet ripërtëritëse energjetike në Bullgari hyri në fuqi nga tre maji i këtij viti. Angazhimi i Bullgarisë ndaj BE-së është që deri në vitin 2020 përqindja e burimeve ripërtëritëse energjetike të arrijë 16 prej konsumimit të përgjithshëm të energjisë në vend. Mirëpo vetëm për vitin 2010, Bullgaria zbatoi planin e saj, duke arritur një rezultat mbi atë të parashikuar. Kjo do të thotë se vendi ynë ka për qëllim të zbatojë qëllimin e vet afatgjatë disa vite më herët.

Komisioni Evropian miratoi një politikë të përgjithshme energjetike për vendet anëtare të BE-së deri në vitin 2020, e cila ka për qëllim zvogëlimin e emisioneve të gazeve të serës me 20 për qind, rritje të përqindjes së burimeve ripërtëritëse energjetike në konsumimin e energjisë nga familjet, si dhe rritje të efikasitetit energjetik, që duhet të çojë deri në një konsumim më të ulët të rrymës elektrike prej 20 për qind. Qëllimi kryesor i direktivave evropiane janë lidhur me ndryshimet në klimë, me kufizimin e varësisë së BE-së nga importi i resurseve energjetike nga vende të treta, si dhe me garantimin e energjisë për konsumatorët. Për përhapjen aktive të burimeve ripërtëritëse energjetike në tregun energjetik në BE flasin dhe të dhënat e fundit të “Evrostat”. Ato tregojnë se përqindja e energjisë së gjelbër për dekadën e fundit është dyfishuar.

Bullgaria mori angazhim për të zvogëluar gazet e serës nga centralet termike, të cilat e ndotin mjedisin rrethues, si dhe të zvogëlojë numrin e automjeteve të vjetra të transportit. Ligji për energjinë e burimeve ripërtëritëse energjetike është destinuar pikërisht për zbatimin e angazhimeve të ndërmarra nga Bullgaria ndaj politikës së përgjithshme energjetike të BE-së. Mirëpo disa ndryshime në të shkaktuan pakënaqësi nga ana e investitorëve në energjinë ekologjike në Bullgari. Një prej tyre është pagimi paraprak i taksës për bashkimin me rrjetin elektrik të vendit. Për centrale, të cilat prodhojnë 5 megavate rrymë elektrike, pagimi paraprak kap shumën 25 mijë leva (rreth 13 mijë euro) për çdo një kapacitet të instaluar. Në një konferencë për shtypin Asociacioni bullgar për prodhim energjie nga era theksoi të metat kryesore të ligjit të ri.
“Problemi më i madh është se investitorët duhet të krijojnë projektet e veta dhe pas kësaj do të kuptojnë çmimet, me të cilat do të prodhojnë rrymën e tyre elektrike – tha Sebastian Noethlichs, drejtor ekzekutiv i asociacionit. – Në vend që të përcaktohen të ardhurat e projektit, në momentin kur bëhen investimet më të mëdha dhe blihet pajisja, kjo do të bëhet në një etapë më të vonshme. Për një projekt prej 50 megavatesh investimet kapin shumën 60-70 milionë euro. Problemi është se rregullatori shtetëror ka të drejtën të ndryshojë çmimin preferencial pa asnjë kufizim.”

Kennet Lefkowitz, kryetar i Këshillit të mbikëqyrjes të asociacionit, thekson problemet financiare: “Ne nuk mund të zgjedhim midis “energjisë së gjelbër” dhe energjisë tjetër. Bullgaria ka angazhime ndaj BE-së dhe partnerëve të saj evropianë për arritjen e disa qëllimeve sa i përket energjisë së gjelbër – komentoi Kennet Lefkowitz. Ne duhet të zhvillojmë energjinë e gjelbër bullgare ose të importojmë energji të tillë nha vendet e tjera. Nuk është e vërtetë se energjia e erës do ta rritë në një mënyrë drastike çmimin e rrymës elektrike. Përkundrazi ajo do të bëhet edhe më e lirë për dallim nga burimet e tjera konvencionale si nafta, gazi, urani. Çmimi i energjisë nga burimet ripërtëritëse energjetike po ulet, sepse zhvillohet ne sinkron me teknologjitë, kurse investimet në energjinë e erës tani janë investime në të ardhmen.”

Përgatiti në shqip: Vesella Mançeva
По публикацията работи: Tanja Harizanova


Последвайте ни и в Google News Showcase, за да научите най-важното от деня!

Më shumë nga rubrika

Ministri i Ekonomisë Petko Nikollov në “LB Bulgaricum”

Kompania shtetërore e qumështit po modernizon fabrikën e saj në Vidin

Në shtator filloi modernizimi i bazës prodhuese të kompanisë shtetërore të qumështit “El Bi Bulgaricum” në Vidin. Fillimisht, pritet të meremetohen frigoriferët në magazina dhe rrugicat që çojnë në ofiçina, si dhe parkingu përballë godinës, njoftoi..

botuar më 24-09-15 9.25.PD

Një kompani bullgare për prodhimin e bareve me proteina po zgjeron veprimtarinë e saj

Kompania bullgare për bare proteinash “Healthy Bars” ka në plan të ndërtojë një fabrikë të re në zonën e kryeqytetit “Vrëbnica”. Për këtë synim tashmë është njoftuar edhe inspektimi rajonal i mjedisit dhe ujërave, ndërsa kompania ka bërë të ditur..

botuar më 24-09-14 9.15.PD
Ambasadorja e jashtëzakonshme dhe fuqiplotë e Republikës Popullore të Kinës në Bullgari, Shkëlqesia e Saj Dai Cinli

Shkëlqesia e Saj Daj Cinli: Bullgaria dhe Kina kanë bashkëpunim praktik të cilin shpresojmë ta thellojmë

Bullgaria dhe Kina vendosën marrëdhënie diplomatike me njëra-tjetrën 75 vjet më parë - në vitin 1949. Një vit më vonë, Republika Popullore e Kinës dhe Republika Popullore e Kinës shkëmbyen ambasadorë dhe marrëdhëniet dypalëshe u zhvilluan në një..

botuar më 24-09-12 12.58.MD