Viktimat në rrugët e Bullgarisë dhe përpjekjet për kufizimin e aksidenteve rrugore

botuar më 11-05-05 11.50.PD

Tabela elektronike mbi ndërtesën e Akademisë Ushtarako-mjekësore në Sofje tregon numrin e viktimave nga aksidentet rrugore ne vend dhe nga operacionet ushtarake jashtë Bullgarisë.

Foto: BTA

Jeta s’ka çmim. Për këtë arsye shifrat e viktimave në rrugët e Bullgarisë janë shumë shqetësuese. Për vitin 2010 numri i tyre ishte më se numri i viktimave në misionet ndërkombëtare në Afganistan dhe Irak. Shteti ynë është në vend të parë në Evropë për nga numri i viktimave të aksidenteve rrugore kundrejt numrit të popullsisë. Secili pjesëmarrës në lëvizjen rrugore mund të ndryshojë diçka, të bëhet më tolerant dhe kështu mund ndryshohet statistika e keqe.

Në aksidente me automjete transportuese gjatë vitit të kaluar në Bullgari jetën e vet humbën 775 veta. Shumë janë njerëzit e dëmtuar dhe me trauma. Për të njëjtën periudhë viktimat në forcat ndërkombëtare në Afganistan ishin 711, në Irak – 60. Shkaqet për fatkeqësitë në rrugët bullgare janë më shpesh mungesa e përvojës, lëvizja me shpejtësi të madhe, përdorimi i alkoolit. Sipas statistikës për periudhën 1990-2009 në Bullgari në aksidente rrugore janë vdekur 21 773 veta, 25% prej të cilëve janë fëmijë dhe të rinj. Plagosurit janë më se 168 mijë. Pothuaj 30% mbeten invalidë për tërë jetën.

Çfarë janë masat për kufizimin e viktimave?

Përveç kontrollit të përforcuar organizohen nisma që kanë si qëllim që të provokojnë interesin e shoferëve dhe të gjithë pjesëmarrësve në lëvizjen rrugore. Nisma e fundit është organizuar nga Polica Rrugore, Asociacioni i Viktimave të Katastrofave dhe Akademia Ushtarako-mjekësore për vendosjen e një tabele elektronike mbi ndërtesën e Akademisë, e cila do të tregojë numrin e katastrofave në Sofje. Në ekran do të ketë informatë aktuale për numrin e viktimave në katastrofat rrugore në shtet dhe numrin e viktimave në misione ushtarake jashtë Bullgarisë. Kështu njerëzit vetë do të mund të bëjnë krahasim. Ekspertja e përgjithshme në Policinë Rrugore Ljubka Marinova tha:

“Kjo është një formë e ndikimit mbi qytetarët. Nuk është e rastit se e zgjodhëm krahasimin me viktimat në misione ushtarake, sepse pavarësisht nga fakti se atje njerëzit luftojnë, viktimat janë më pak sesa në rrugët e Bullgarisë. Qëllimi është që sa është e mundshme më shumë njerëz të lexojnë mesazhin tonë. Me këtë nismë dëshirojmë që të ndryshojmë mënyrën e mendimit të njerëzve, të ndryshojmë sjelljen e tyre në rrugët.”

Në botë viktimat e katastrofave rrugore janë 1 milion e 300 mijë veta për vit. Për këtë arsye ekrane të tilla mund të shikohen edhe në shtete të tjera, për shembull – në Francë, në Spanjë. Ato vazhdimisht u rikujtojnë njerëzve se jeta është shumë e shkurtër. 11 maj është shpallur për Ditën Botërore të Sigurisë Rrugore nën patronazhin e OKB-së. Shumë janë të rinjtë pa mjaft përvojë të cilët dëshirojnë të ngasin vetura dhe pikërisht ata më shpesh krijojnë aksidentet më të rënda. Po diskutohen ndryshime legjislative, të cilat do të pakësojnë numrin e viktimave. Eja çfarë është njëra nga ndryshimet e përgatitura: 6 muaj pas marrjes së patentës, shoferi i ri duhet të ngasë vetëm me shoqërues. Përveç kësaj ai nuk do të ketë mundësi të ngasë makinën me shpejtësi më të madhe se 30 km për orë në qytetet dhe 100 km për orë në autostradat.

Po fillon dhe periudha e pushimeve të shumta, ku lëvizja në rrjetin rrugor kombëtar bëhet gjithnjë e më e madhe. Për këtë arsye në vendet ku bëhen më shpesh aksidente do të ketë ambulanca për ndihmë urgjente.

Përgatiti në shqip: Jordanka Ivanova

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Viktimat në rrugët e Bullgarisë dhe përpjekjet për kufizimin e aksidenteve rrugore

Më shumë nga rubrika

Si do të ndikojë në BE rezultati i zgjedhjeve presidenciale në SHBA

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Shpallën renditjen e institucioneve të arsimit të lartë dhe diplomat më fitimprurëse për vitin 2024

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Si do të ndikojë në BE rezultati i zgjedhjeve presidenciale në SHBA