Bullgaria në politikën evropiane për refugjatët

botuar më 11-05-09 11.00.PD

Pritet që në vitin 2011 të ketë rritje të numrit të refugjatëve drejt Bullgarisë, të provokuar nga aderimi i vendit tonë në hapësirën Shengen. Mirëpo vitin tjetër procesi përsëri do të stabilizohet, parashikojnë ekspertët. Duke pasur parasysh angazhimet e rritura të vendit tonë në lidhje me garantimin e sigurimit në kufijtë tanë të jashtëm të BE-së dhe kundërveprimin ndaj migracionit ilegal në fillim të vitit, me një vendim të Këshillit të Ministrave u miratua Strategjia kombëtare në fushën e migracionit, strehimit dhe integrimit (2011-2020).

Çdo vit te ne kërkojnë strehim mesatarisht rreth 1000 veta. Kulmi më i madh ishte në periudhën 2001 – 2003 gjatë konflikteve ushtarake në Afganistan dhe Irak. Afro 3 000 veta kërkuan strehim te ne në vitin 2002. Pas kësaj numri i tyre filloi të ulte dhe në vitin 2006 uli deri në 600 veta. Gjatë një – dy viteve të fundit numri i refugjatëve përsëri filloi të rritej. 274 refugjatë kanë paraqitur kërkesë për strehim në Bullgari gjatë tremujorit të parë të këtij viti dhe 38 prej tyre tashmë kanë marrë përgjigje pozitive. Tani për tani vendi ynë është më tepër një vend transit, sesa destinacion përfundimtar për refugjatët. Shumica e tyre preferojnë të kërkojnë strehim në vendet evropiane me standard më të lartë të jetesës.

Prapëseprapë çfarë janë rreziqet për Bullgarinë në rast një fluksi eventual refugjatësh nga Libia dhe Afrika e Veriut, ku ka konflikte ushtarake?

“Tani për tani nuk disponojmë informacion për një fluks të madh refugjatësh për në Bullgari përmes Turqisë. Në qoftë se përpiqen të hyjnë nga Greqia, ajo është vendi i parë evropiane dhe grekët do të duhet t’i përgjigjen presionit – shpjegoi në një intervistë për Radio Bullgarinë Rumen Sjarov nga Agjencia shtetërore për refugjatët. – Zëvendëskryeministri Cvetan Cvetanov gjithashtu njoftoi se sipas të dhënave të Ministrisë Bullgare të Punëve të Brendshme nuk ka rrezik nga një migracion i madh. Jemi në kontakt me Komisariatin suprem të refugjatëve pranë OKB-së, i cili i ka përfaqësuesit e vetë në të gjitha shtetet, ku ka konflikte, me Organizatën ndërkombëtare të migracionit dhe me agjencinë evropiane, e cila përgjigjet për bashkëpunimin nëpër kufijtë tanë të jashtëm të shteteve FRONTEX.”

Si pjesë e angazhimeve të vendit tonë në kuadrin e Shengenit deri në fund të muajit maj pritet që të hapet një Qendër e re transiti pranë Agjencisë shtetërore për refugjatët, me kapacitet 300 vende. Ajo gjendet në fshatin Pëstrogor, shumë afër kufirit tonë me Turqinë. Qendra është ndërtuar me mjete të programit PHARE të BE-së.

Si Qendra e re do ta përmirësojë punën e Agjencisë shtetërore për refugjatët?

“Qendra e transitit afër fshatit Pëstrogor është një repart i domosdoshëm territorial i agjencisë – thotë zoti Sjarov. – Aktualisht agjencia disponon dy reparte – një qendër për regjistrime në Sofje dhe akoma një qendër të tilla – në Nova Zagora. Mirëpo këto dy qendra janë me një kapacitet shumë të vogël dhe me qendrën e re të transitit do të rritet mundësia për vendosje të të gjithë refugjatëve, që kërkojnë strehim te ne. Është shumë e rëndësishme gjithashtu se kjo qendër është shumë afër kufirit tonë me Turqinë, ku është hyrja kryesore e të huajve, të cilët kërkojnë mbrojtje në territorin tonë. Shumë afër saj ndodhet dhe Qendra e specializuar pranë drejtorisë “Migracion” të Ministrisë Bullgare të Punëve të Brendshme për vendosje të përkohshme të të huajve në fshatin Ljubimec. Afërsia e dy qendrave do të lejojë një bashkëpunim më të mirë midis institucioneve.”

Siç shtetet e tjera evropiane, edhe Bullgaria gjithashtu merr përkrahje financiare nga Fondi evropian i refugjatëve për një zhvillim më të suksesshëm të politikave sa i përket integrimit të refugjatëve. Për vitin e kaluar mjetet e parashikuara në kuadrin e tij për vendin tonë kapin shumën afro 935 000 euro.

Përgatiti në shqip: Vesella Mançeva

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Bullgaria në politikën evropiane për refugjatët

Më shumë nga rubrika

Universiteti i Taraklisë tani është pjesë e Universitetit "Angell Kënçev" në qytetin bullgar Ruse

Olimpiada e parë e Inteligjencës Artificiale mbledh 200 të rinj nga e gjithë bota në Bullgari

Sipas një sondazhi, Sofja është vendi më i rehatshëm për një pensionist nga BE

Sa kushtojnë zgjedhjet në Bullgari?