Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Menaxheri bullgar në kushtet e krizës

© Foto: dnevnik.bg

Disa prej kandidatëve për titullin “Menaxher i vitit 2011”
“Në Bullgari punojnë menaxherë shumë të fuqishëm. Duam që emrat e tyre të bëhen edhe më të njohur dhe njerëzit të dinë se çfarë persona qëndrojnë pas sukseseve të ekonomisë bullgare.” Në këtë mënyrë drejtori i redaksisë i revistës “Menaxher” Maksim Majer përcakton rëndësinë e konkursit “Menaxher i vitit 2011”. Ai realizohet për vit të katërt të radhës. Mbi 60 biznesmenë kanë dhënë dokumentet e veta për të marrë pjesë, ku 50 prej tyre janë të lejuar të marrin pjesë në konkurs. Në ndryshim nga garat e deritanishme, finalistët janë 11, me 1 më shumë nga vitet e mëparshme, me qenë se dy prej pjesëmarrësve kanë treguar rezultate të barabarta financiare. Një veçori tjetër e konkursit të sivjetshëm është se viti 2010, për të cilin bëhet vlerësimi, sipas mendimit të specialistëve ishte një nga vitet e rënda të krizës së vazhdueshme botërore financiare.

Metodologjia për përcaktimin e finalistëve në konkursin “Menaxher i vitit” është përpunuar nga kompania konsultative “Dellojt Bullgaria”. Kryetari i saj zoti Vasko Mirçev përshkruan disa fazat, përmes të cilave kalon vlerësimi i kandidatëve:
“Faza e parë është lejimi i kandidatëve për pjesëmarrje. Disa janë kushtet për këtë lejim. Ndërmarrjet, e drejtuara nga menaxherët, duhet të kenë të paktën 50 veta personal ose 20 milionë leva (10 mln euro) qarkullim vjetor. Të kenë qenë në vend të paktën gjatë gjysmës së parë të vitit, me qenë se dimë, se ka menaxherë, të cilët nuk janë të pranishëm përherë në bullgari, saktëson zoti Mirçev. Gjatë fazës së ardhshme të konkursit vlerësojmë kandidatët sipas prezantimit të ndërmarrjeve, të cilat ata i drejtojnë. Treguesit financiarë, të cilët i llogarisim, janë të lidhur me vëllimin e të ardhurave, me rikthimin e kapitalit. Parimi është se ndërmarrja e çdo njërit prej kandidatëve krahasohet me të tjerët nga tregu. Duam të shikojmë se si qëndrojnë kundrejt lojtarëve të tjerë në treg nga industria e njëjtë. Mbi bazën e këtyre treguesve dhe të treguesve të tjerë, mbi të cilët vlerësojmë punën e menaxherëve, mundëm të zgjedhim përfundimisht 11 emra. Faza e fundit e konkursit është e lidhur me vlerësimin e cilësive të tyre personale. Ajo realizohet mbi bazën e intervistave , të cilat do t’i realizojmë me ta dhe me të paktën dy nga nëpunësit, për të cilët ata përgjigjen.”

E madhe është përqindja e menaxherëve, të cilët kanë marrë pjesë më shumë se një herë në këtë konkurs, kurse 3 nga finalistët e sivjetshëm kanë marrë pjesë dhe në dhjetëshen finale gjatë vitit 2010. Gjatë 4 vjetëve në të cilat po realizohet gara midis biznesmenëve, përgjithësisht janë përfshirë 267 veta, ku 28 prej tyre janë të huaj. Po rritet numri i femrave në garën prestigjioze. Nga vetëm 9 pjesëmarrëse gjatë vitit të parë, tani gratë, të cilat pretendojnë për titullin “Menaxher i vitit 2011” janë 20. Ky fakt meriton shënim pikërisht në kontekstin e krizës, e cila propozoi sprova serioze përpara udhëheqësve të lartë ekonomikë në Bullgari dhe në të gjithë botën. Sipas organizatorëve të konkursit më të shumtë janë pjesëmarrësit gjatë këtij viti nga rrethet në ekonomi, bankat dhe sigurimi, si dhe nga sektori IT. Biznesmeni, i cili u përgjigjet të gjitha kritereve për vlerësim në konkurs, do të shpallet për “Menaxher të vitit 2011” në një ceremoni festive më 14 nëntor në sallën e Operës kombëtare në Sofje.

Përgatiti në shqip: Nataniela Vasileva
По публикацията работи: Lina Ivanova


Последвайте ни и в Google News Showcase, за да научите най-важното от деня!

Më shumë nga rubrika

Standard&Poor's konfirmoi vlerësimin e Bullgarisë dhe perspektivën pozitive

Agjencia ndërkombëtare e vlerësimit Standard&Poor's (S&P Global Ratings) konfirmoi vlerësimin afatgjatë dhe afatshkurtër të kreditit të Bullgarisë në monedhë të huaj dhe vendase 'BBB/A-2'. Perspektiva për vlerësimin mbetet pozitive...

botuar më 24-05-26 7.10.PD

Sindikatat kërkojnë rritjen e pagës minimale me 15.7%

Paga minimale nga viti 2025 duhet të jetë 1080 leva (542 euro), tha Ljubosllav Kostov, kryeekonomist i Konfederatës së Sindikatave të Pavarura në Bullgari. Ai mori pjesë në konferencën "Direktiva evropiane për pagën minimale: mundësitë për sindikatat..

botuar më 24-05-22 12.20.MD
Banka Kombëtare Bullgare

BNB forcon kontrollin mbi dhënien e kredive hipotekare

Bordi Drejtues i Bankës Kombëtare Bullgare (BNB) urdhëroi bankat në vend që të aplikojnë një grup minimal prej 6 treguesish për monitorimin e standardeve të kredisë gjatë dhënies dhe rinegocimit të kredive siguruar me pasuri të paluajtshme banesore...

botuar më 24-05-21 9.43.PD