KE-ja kërkon së shpejti reformë arsimore në Bullgari

botuar më 11-12-29 1.41.MD

Deri në mes të vitit 2012 Bullgaria duhet të miratojë dy ligje të reja në fushën e arsimit. Këto kanë të bëjnë me ndryshime në arsimin parashkollor dhe në atë shkollor, po ashtu edhe në arsimin e lartë. Qëllimi është që të garantohen zbatimi i shpejtë i reformës arsimore dhe realizimi i strategjisë “Bullgaria 2020”. Kjo rekomandohet në një raport të Komisionit Evropian në lidhje me bashkëpunimin evropian në fushën e arsimit dhe qëllimet para tij. Informacioni është marrë nga një gazetë bullgare. Raporti kritikon seriozisht vendin për sa i përket mungesës së reformave në sferën e arsimit dhe për herë të parë cakton afate konkrete, brenda të cilave duhet të miratohen ligjet e reja arsimore.

Sipas raportit Bullgaria ka ngadalësuar ndjeshëm reformën e arsimit të lartë. Prandaj KE-ja rekomandon për një përmirësim të cilësisë së arsimit në vend, duke u investuar në kualifikimin e mësimdhënësve dhe duke u nxitur bashkëpunimi midis universiteteve dhe industrisë. Mirëpo, për herë të parë ekspertët evropianë vëzhguan këtë që biznesi bullgar e përsërit prej vitesh – që nuk hapen dega teknike, të cilat të jenë të dobishme për ekonominë e Bullgarisë. Rekomandimet e tjera kanë të bëjnë me rritjen e konkurrencës mes universiteteve dhe përmirësimin e menaxhimit të tyre. Propozohet që të ndërmerren masa për një lëvizshmëri më të madhe të studentëve dhe për një modernizim të programeve mësimore.

Analizat tregojnë që megjithëse kohën e fundit u rrit numri i të diplomuarve në vend, ky numër ende mbetet mbi nivelin mesatar të BE-së. P.sh., gjatë 2010-ës të rinjtë e moshës nga 30 deri në 34 vjeç me diplomë universitare janë 27.7 për qind, derisa mesatarisht në Evropë ata konsiderohen 33.6 për qind. Në këtë drejtim raporti rekomandon që t’i tërhiqet arsimit të lartë vëmendje më të madhe që të plotësohet qëllimi i vënë në strategjinë deri në 2020 – të diplomuarve në Bullgari të bëhen 36 për qind.

Bullgaria duhet të përmirësojë rezultatet e arsimit fillor dhe mesatar, rekomandon raporti. Dokumenti evropian kujton që arritjet mesatare të nxënësve të moshës 15 vjeçare janë shumë të dobëta. Kjo doli në dritë në studimin e fundit PISA 2009. Si shembull jepet që çdo i dytë nga pesë nxënës bullgarë janë të dobët në njohuritë themelore. Kjo është prezantimi më i keq për BE-në. 41 për qind e bullgarëve të moshës 15 vjeçare bien në grupin e leximit më të dobët, derisa niveli mesatar i BE-së për sa i përket të njëjtit grup nxënësish është 20 për qind. Akoma më i madh është dallimi në njohuritë matematikore. Me arritje të dobëta janë 47.2 për qind bullgarë, derisa mesatarisht për Evropën niveli është 22.2 për qind. Në këtë krahasim të njohurive mes bullgarëve dhe evropianëve, ne dalim shumë të dobët edhe në shkencat natyrore – 38.8 për qind në Bullgari ndaj 17.7 përqindësh mesatarisht në Evropë.

I vetmi tregues, sipas të cilit vendi i afrohet nivelit mesatar evropian është përjashtimi i hershëm i fëmijëve nga shkollat – 13.9 për qind në Bullgari ndaj 14.1 përqindësh për Bashkimin Evropian. Raporti shënon që financimi i arsimit në vend si përqindje e PBB-së vazhdon të jetë mbi nivelin mesatar evropian. Përveç kësaj theksohet që miratimi i të dyja ligjeve më të rëndësishme në fushën e arsimit në Bullgari vonohet që prej vitit 2009.

Përgatiti në shqip: Anna Kapitanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

KE-ja kërkon së shpejti reformë arsimore në Bullgari

Më shumë nga rubrika

Prej 30 vitesh Fakulteti Ekonomik i Universitetit “Shën Kliment Ohridski” ofron studime në gjuhën frënge

Vazhdon Shkolla Verore e Gjuhës Bullgare në Tiranë

Viktor Lillov u bë nxënësi i parë bullgar që fitoi medaljen e artë nga turnetë më të fortë të biologjisë dhe kimisë

Shkolla Verore e Gjuhës Bullgare përfundoi me sukses

Pranojnë aplikime për rezidencë për përkthyes letrarë në bullgarisht

Sofja, Varna dhe Burgas transmetojnë drejtpërdrejt hapjen e Lojërave Olimpike në Paris