Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

U miratua projektligji për sektorin e verës

Ligji i ri do të garantojë cilësinë më të mirë të verërave dhe të pijeve të tjera alkoolike.
Foto: BGNES
Gjatë ditëve të fundit të vitit 2011 qeveria miratoi një projektligj të ri për verën dhe pijet alkoolike. Pritet që ai të miratohet dhe nga deputetët në Parlament.

Ligji tjetër, i miratuar në fund të shekullit të kaluar, tashmë nuk u përgjigjet ndryshimeve të fundit të së drejtës evropiane pas reformës në sektorin e verës – vënë në dukje parashtruesit e projektligjit të ri. Dy janë theksat kryesorë në projektligj – garantimi i cilësisë së mirë të verërave dhe të pijeve të tjera alkoolike dhe kontroll më i rreptë mbi prodhimin dhe tregtinë me këto produkte. Projektligji i ri, i cili u krijua pas shumë debateve me prodhuesit e verës në vazhdim të një viti e gjysmë, u vlerësua nga komuniteti profesional si një ligj praktik, i cili është orientuar ndaj biznesit. Janë aplikuar gjithashtu një sërë lehtësimesh administrative.

Ligji përcakton rregulla shumë të sakta për prodhimin e verës dhe të pijeve alkoolike. Për herë të parë në të është shkruar saktë se vera është një pije, që përgatitet vetëm prej rrushi. Në ligj është shënuar se pesë lloje rakie, mastika dhe menta janë “pijet tradicionale bullgare”, të cilat duhet të disponojnë gradë të sakta dhe përqindje të sakta alkooli, i cili prodhohet vetëm nga fermentimi i produkteve bujqësore.

Produkti, në të cilin alkooli është nën 37.5 për qind, nuk mund të quhet raki. Përmbajtja minimale e alkoolit në rakinë e rrushit për shembull është 40 për qind, kurse në mastikë duhet të jetë të paktën 47 gradë. Verërat do të certifikohen nga një laborator i posaçëm, kurse pas kësaj do të shënohet varieteti dhe viti i prodhimit.

Shumë të rrepta janë rregullat për verërat e hapura dhe për pijet e hapura alkoolike në përgjithësi, ku janë regjistruar shumë shkelje. Për herë të parë ndalohet shitja e pijeve të hapura alkoolike me përqindje të lartë të alkoolit, kurse shitja e verës së hapur është lejuar vetëm në rastet, kur kjo verë ka origjinë të qartë dhe shitësi i saj ka certifikatë laboratori, e cila vërteton se ky produkt u përgjigjet të gjitha kërkesave.

Në këtë ligj janë parashikuar sanksione të mëdha për shkelësit, të cilët shesin verë dhe pije alkoolike me origjinë të paqartë. Pushteti sa i përket kontrollit mbi cilësinë e verërave tashmë përqendrohet në një organ – Agjencia ekzekutive për verën, Tashmë agjencia do të mund të kontrollojë jo vetëm prodhimin, por dhe tregtinë me verëra dhe pije alkoolike në dyqane. “Tregtia me pakicë ishte vendi më i dobët në sistem, i cili lejonte lulëzimin e sektorit informal në këtë sektor”, thotë Pllamen Mollov, kryetar i Dhomës kombëtare për verërat.

Përveç përballimit të problemeve, lidhur me sektorin informal, pritet që ligji i ri ta rritë aftësinë për konkurrencë të prodhimit bullgar të verërave, duke garantuar cilësinë më të lartë të pijes. Kështu Bullgaria do të mund të rimëkëmbë më shpejt tregjet e saj të vjetra dhe të vendoset dhe në tregje të reja. Përparësia më e madhe e verërave bullgare sot është raporti i mirë cilësi – çmim.

Përgatiti në shqip: Vesella Mançeva
По публикацията работи: Maria Dimitrova


Последвайте ни и в Google News Showcase, за да научите най-важното от деня!

Më shumë nga rubrika

Ivajllo Vëllçev, Irina Nedeva dhe Andrej Kovaçev

Konkurrueshmëria e ekonomisë evropiane është një temë kyçe në PE sipas eurodeputetëve bullgarë

Gjatë seancës së kaluar të PE-së, u prezantuan parametrat më të rëndësishëm të buxhetit të BE-së për shtatë vitet e ardhshme, një procedurë jashtëzakonisht komplekse që kërkon marrëveshje të plotë midis shteteve anëtare, dhe që ndërlikohet më tej në..

botuar më 25-02-20 7.30.PD
Foto: Ministria e Bujqësisë dhe Ushqimeve

4% e PBB-së është nga sektori i bujqësisë

Bujqësia në Bullgari ruan stabilitetin e saj, duke siguruar punësim për 6% të popullsisë dhe duke zënë rreth 4% të Produktit të Brendshëm Bruto (PBB). Këtë e tregojnë të dhënat aktuale për gjendjen e sektorit, të prezantuara nga ministri i..

botuar më 25-02-18 2.49.MD
Nënshkrimi i kontratës ndërmjet Dioqezës së Slivenit dhe kompanisë ''Electra Trans Global'' Sh.A. për terrenin në të cilin do të ndërtohet kompleksi në shkallë të gjerë

Një kompleks riparimi avionësh në shkallë të gjerë me 1500 vende pune do të ndërtohet në Burgas

Një nga kompanitë më të mëdha të riparimit të avionëve në aviacionin civil ka zgjedhur Burgasin për një investim në shkallë të gjerë në riparimin dhe mirëmbajtjen e avionëve, njoftoi Bashkia e Burgasit. Në 74 hektarë në zonën e Aeroportit të Burgasit,..

botuar më 25-02-15 12.09.MD