Gjykata dhe Prokuroria të Specializuara Ndëshkimore nisën punë

botuar më 12-01-11 1.45.MD

Foto: arkiv

Gjykata dhe Prokuroria të Specializuara Ndëshkimore nisën punën e vet. Ata do të merren me krimin e rëndë të organizuar, duke përfshirë trafikun e njerëzve, narkotikëve e kështu me radhë. Formimi i tyre ishte një nga masat e qeverisë bullgare për luftimin e krimit të organizuar. Kjo masë u përkrah nga Komisioni Evropian.

Bullgaria vitin e pestë me radhë kontrollohet në kuadrin e mekanizmit të bashkëpunimit dhe verifikimit në fushën e drejtësisë dhe rendit të brendshëm. Pritet, që në raportin vjetor të Komisionit Evropian muajin korrik të vitit 2012 të bëhet një analizë të hollësishme të avancimit të vendit në këtë fushë për periudhën nga vitit 2007 deri tashti. Nga rezultatet do të jetë në varësi pranimi i Bullgarisë në zonën e Shengenit.

Magjistratët e rinj janë në dy nivele – instanca e shkallës së parë dhe apelative – si për gjykatën, ashtu edhe për prokurorinë. Fjalën e fundit do të ketë Gjykata e Lartë e Kasacionit. Pritet, që proceset kundër grupeve të organizuara kriminale të zhvillohen me shpejtë dhe të përfundojnë në afate më të shkurtra. Secila nga dy prokuroritë do të kenë nga dy dega – kriminal dhe ekonomik. Në çdo proces do të ketë nga tre prokurorë – dy nga instanca e shkallës së parë dhe një nga instanca apelative. Në katër magjistraturat gjithsejtë do të punojnë 134 magjistratë dhe 81 administratorë. Mjetet e domosdoshme financiare tashmë janë të siguruara. Kryeministri Bojko Borisov inspektoi kushtet e krijuara për punë të Gjykatës dhe Prokurorisë së Specializuar dhe tha: “Atë, që kërkohej nga shteti – të meremetohet dhe të ndryshohet godina në përputhje me kërkesat më moderne të procesit të sotëm gjyqësor, është fakt. Nëse do të jetë e domosdoshme do të vazhdojmë të zgjerojmë godinën. Krahas kësaj do të fillojë meremetimi i Gjyqit Rajonal, sepse të gjithë gjyqtarët janë baras në të drejtën e tyre të disponojnë godina të tilla me mjetet e domosdoshme teknike dhe me kushte të mira për punë.”

Ministrja e drejtësisë Diana Kovaçeva nga ana e vet deklaroi: “Krijimi i Gjykatës dhe Prokurorisë së specializuar janë një sinjal për luftim pa kompromisi të krimit të organizuar. Puna e tyre do të ndiqet nga Komisioni Evropian. Jam e mendimit, se jo vetëm pajisja është e rëndësishme, por me më shumë vlerë janë kuraja dhe pozitat personale të gjyqtarëve dhe prokurorëve, që do të punojnë në të. Në fakt njerëzit i bëjnë institucionet.”

Kryeprokurori Boris Vellçev ripohoi faktin, se magjistratët tashmë nisën punën mbi proceset kundër grupeve të krimit të organizuar: “Magjistratët tashmë filluan të punojnë mbi proceset e para. Kështu që instanca e parë e prokurorisë speciale merret me çështjet e para penale.”

Zëvendës kryeministri dhe ministër i punëve të brendshme Cvetan Cvetanov është i bindur, se: “Të gjithë pasi do të bashkojmë përpjekjet tona do të rikthejmë besimin e njerëzve në drejtësinë dhe veprimet adekuate të pushtetit ekzekutiv në luftën kundër krimit të rëndë të organizuar. Jam me shpresë, se Komisioni Evropian do të vlerësojë këtë. Përvoja dhe përpjekjet këmbëngulëse, patjetër do të japin rezultate të mira dhe efektive në luftimin e krimit të organizuar.”

Sipas parashikimeve paraprake pritet, që afro 70-80 hetime gjyqësore të grupeve të organizuara kriminale me padi të ngritura akuzuese të shqyrtohen nga Gjykata e Specializuar.

Përgatiti në shqip: Svetllana Dimitrova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Gjykata dhe Prokuroria të Specializuara Ndëshkimore nisën punë

Më shumë nga rubrika

Fantazitë e kungujve në Sevlievo

Një bullgar fitoi titullin "Sandviçi më i mirë" nga European Street Food Awards në Gjermani

KNSB: Taksat e ulëta nuk i zgjidhin problemet buxhetore të shtetit

KNSB: Taksat e ulëta nuk i zgjidhin problemet buxhetore të shtetit

Një bullgar fitoi titullin "Sandviçi më i mirë" nga European Street Food Awards në Gjermani

Fantazitë e kungujve në Sevlievo