Johanes Han përkrahu kërkesën e Bullgarisë për një bashkëfinancim më të ulët të projekteve evropiane

botuar më 12-01-24 1.03.MD

Eurokomisioneri për zhvillimin regjional Johanes Han

Foto: BGNES

Bullgaria ka të drejtën morale dhe përgjegjësinë për të luajtur një rol më aktiv në BE për shkak të treguesve të saj makroekonomikë. Këtë e deklaroi eurokomisioneri për zhvillimin regjional Johanes Han gjatë vizitës së tij në Sofje këto ditë. Ai erdhi te ne posaçërisht për marrjen e postit të presidentit nga Rosen Plevneliev, i cili para kësaj ishte ministër i suksesshëm i zhvillimit regjional dhe punonte shpesh herë me të.

Johanes Han erdhi në kryeqytetin shumë të bukur bullgar, sipas fjalëve të tij, edhe për ta përkrahur qeverinë bullgare në realizimin e projekteve të mëdha infrastrukturore. Bullgaria do nga Komisioni Evropian ulje të përqindjes së pjesëmarrjes së vendit tonë në financimin e projekteve evropiane. Ajo do që kjo përqindje të ulet nga 20 në 5 për qind për shkak të disiplinës së mirë fiskale. Bullgaria është një prej shteteve të pakta në BE me deficit buxhetor nën 3 për qind dhe borxh të ulët të jashtëm.

Pas takimit të tij me kryeministrin bullgar Bojko Borisov, Johanes Han ripohoi përkrahjen e kërkesës së vendit tonë, me argumentin se kjo kërkesë është “realiste”: Në emër të Komisionit Evropian mund të them se kjo kërkesë është shumë realiste, vuri në dukje eurokomisioneri Han. – Presim oferta. Në qoftë se është në interes të Bullgarisë për ta ulur bashkëfinancimin nga buxheti i vendit, kuptohet se në Komisionin Evropian do ta shqyrtojmë këtë çështje brenda afateve sa më të shkurtra.

Johanes Han shprehu përkrahjen e tij për Bullgarinë sa i përket nënshkrimit të memorandumit për mirëkuptim midis qeverisë dhe përfaqësuesve të tri bankave – Banka Botërore, Banka Evropiane e Investimeve dhe Banka Evropiane për Rindërtim dhe Zhvillim. Ky është një model i ri, sipas një ideje bullgare, për ndihmë nga institucionet financiare ndërkombëtare, i përkrahur edhe nga Komisioni Evropian. Qëllimi është që të garantohet përvetësimi i fondeve evropiane nga vendet në BE. Bullgaria është vendi i parë, në të cilin ky model do të eksperimentohet. Pas eksperimentimit të tij ai do të aplikohet dhe në vende të tjera. Modeli i ri do t’i japë mundësi Bullgarisë për të përvetësuar më shpejt dhe më mirë mjete evropiane, të destinuara për ndërtimin e objekteve të mëdha infrastrukturore – si për shembull magjistralet, vijat hekurudhore, stacionet pastruese etj. Ndihma përbën dhënie shërbimesh konsultative, që të rritet kapaciteti administrativ në nivel qendror, bashkiak dhe vendor dhe të inkurajohen ndërmarrjet e vogla dhe të mesme. Sipas fjalëve të eurokomisionerit Johanes Han, pikërisht tani është koha, kur Bullgaria duhet të përfitojë maksimalisht nga instrumentet financiare evropiane dhe ndërkombëtare.

Për Bullgarinë kjo ndihmë është me rëndësi kyçe, është i bindur Bojko Borisov. Të dy me Johanes Han kanë përvijuar me detaje hartën e rrugëve dhe magjistraleve, të domosdoshme për vendin tonë, dhe kjo hartë ka marrë përkrahjen zyrtare të eurokomisionerit. Para pak kohe Bullgaria mori përkrahjen edhe të shefit të Komisionit Evropian Zhoze Barozu.

Ne i gjetëm të gjitha programet me financim evropian të ndaluara – na rikujtoi situatën gjatë marrjes së pushtetit në vitin 2009 Bojko Borisov. – Tani eurokomisoneri Han tha publikisht se ne tashmë i përvetësojmë mjetet evropiane me një shpejtësi shumë më të madhe. Aktualisht mjetet e përvetësuara janë rreth 24 për qind. Me kapacitetin administrativ, që po marrim tani, me ndihmën e bankave, unë jam i bindur se në vitin 2012-2013 do të arrijmë deri në 40-50 për qind përvetësim. Kjo është shumë e rëndësishme, sepse që tani, në këtë periudhë programore, po zhvillohen bisedimet për vëllimin e mjeteve financiare për vendin tonë për periudhën tjetër. Pikërisht për këtë periudhë është shumë e rëndësishme që Bullgaria të marrë mjetet e domosdoshme nga BE-ja për përfundimin e ndërtimit të infrastrukturës së saj, për ekologjinë dhe efikasitetin energjetik.

Kryeministri Bojko Borisov shpreson që Johanes Han ta transmetojë në Bruksel kërkesën e vendit tonë për ulje të bashkëfinancimit bullgar të projekteve evropiane menjëherë pas kthimit të tij.

Përgatiti në shqip: Vesella Mançeva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Johanes Han përkrahu kërkesën e Bullgarisë për një bashkëfinancim më të ulët të projekteve evropiane

Më shumë nga rubrika

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Chat-i bullgar me inteligjencën artificiale BgGPT mund të shfrytëzohet falas nga të gjithë

Pse Sofja është kryeqyteti i përshtatshëm për Tubimin Panortodoks

Chat-i bullgar me inteligjencën artificiale BgGPT mund të shfrytëzohet falas nga të gjithë

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj