Tradicionalisht banorët e zonës jugperëndimore të Bullgarisë merren me kultivimin e duhanit. Mirëpo, interesi që u shfaq kohën e fundit për natyrën e bukur të fshatrave andej dhe arkitekturën e ruajtur të shtëpive, i futi në mendime – cili është biznesi fitimprurës, kultivimi i duhanit apo turizmi. Kështu shumë pronarë i lanë veglat bujqësore dhe u morën me menaxhimin e hoteleve. Prej disa vitesh në fshatin Ognjanovo, ku ka ujëra termo-minerale me efekte shëruese, u ndërtuan shumë hotele të vogla.
© Foto: Veneta Nikollova
Sot ish-fermeri Vencislav Sharkov është pronar i një shtëpie familjare, e cila gëzon me shumë turistë. Arsyeja që të merret me biznesin e ri ka të bëjë me pagimin e parregullt të subvencioneve dhe çmimin e ulët të blerjes së duhanit. “Deri në vitin 2006 kultivoja 5-6 dynymë duhani. Në një vit prodhonin nga një ton. Fatkeqësisht me këtë punë nuk mund të mbash familjen” – rrëfen z. Sharkov. Bashkë me të shoqen bënë hapin e rrezikshëm që të marrin kredi nga banka, pa pasur bazë të sigurt dhe e ndërtuan hotelin. Sot biznesi i tyre shkon mirë. “Megjithëse kriza preku edhe degën, ku punojmë ne, arritëm të shlyenim këstet ndaj bankës” – pohon ndërmarrësi. Natyra e ruajtur e maleve Rodope dhe ujërat minerale në fshatin Ognjanovo e favorizojnë suksesin e biznesit, i bindur është z. Sharkov.
© Foto: bg.wikipedia.org
“Fshati vizitohet gjatë tërë vitet. Ujërat termo-minerale në Ognjanovo janë me efekte shëruese dhe mjekojnë shumë lloje sëmundjesh, thotë Vencislav Sharkov. – Uji, kur të ftohet, bëhet e pijshëm dhe ndikon mirë në traktin gastrointestinal. E gjitha kjo shoqëruar me ajrin e pastër në malet Rodope, bën pushimet tuaja të dobishme për shëndetin.”
© Foto: Veneta Nikollova
Para 10 vjetësh 85 për qind e banorëve të fshatit e kanë siguruar bukën e përditshme, duke kultivuar duhan, ndërsa vetëm 4 për qind janë marrë me turizëm. Sot rreth 40 për qind e banorëve në Ognjanovo dhe përreth fshatit punojnë në këtë degë. Vendasit pohojnë se mikpritja e turistëve është një punë shumë më e këndshme se ajo e kultivimit të duhanit. Po ashtu është një punë fitimprurëse. Vencislav Sharkov tregon se turistët mbeten të kënaqur sidomos nga ujërat minerale të banjave. Në vend vijnë shumë turistë bullgare dhe të huaj. Fshati Ognjanovo është shumë i preferuar për grekët e qytetit verior Drama.
© Foto: Veneta Nikollova
Nga 15 maj nis zyrtarisht fushata “Shtëpia më e Mirë Malore e Vitit”. Në këtë aktivitet do të shpallen shtëpizat dhe strehimoret e nominuara në programin e konkurrimit dhe ato të propozuara për mbështetje financiare dhe përmirësime të infrastrukturës...
Turizmi i tepërt i shkaktuar nga bumi i paprecedentë i udhëtimeve pas përfundimit të epidemisë bëri që njerëzit të kërkojnë një alternativë të nocioneve të pranuara gjerësisht të pushimeve. Sidomos ndër brezat e rinj, ka një ngopje të ekskursioneve..
Mijëra njerëz do të mblidhen sot në burim në zonën malore të Dambalësë mbi Momçillgrad . Të gjithë besojnë se gjatë kësaj nate uji që buron nga shkëmbinjtë bëhet shërues dhe shëron sëmundje të ndryshme. Mrekullia ndodh pikërisht me fillimin e 6..