Kuvendi Popullor voton masa kundër dhunës policore

botuar më 12-04-11 9.52.PD

Foto: BGNES

Gjatë këtyre ditëve Kuvendi Popullor miratoi në lexim të parë ndryshime në ligjin për Ministrinë e Punëve të Brendshme. Ato përfshijnë masa kundër dhunës policore. Ky është një nga rekomandimet e Komisionit Evropian ndaj Bullgarisë për përparim në fushën e drejtësisë dhe të rendit të brendshëm. Ndryshimet aplikojnë standardin “domosdoshmëri absolute” gjatë shfrytëzimit të armës, të forcës fizike dhe të mjeteve ndihmëse nga organet policore. Sipas fjalëve të zëvendësministrit të punëve të brendshme Veselin Vuçkov, ndryshimet në ligjin për Ministrinë e Punëve të Brendshme duhet të hyjnë në fuqi deri më 1 korrik 2012, në qoftë se deputetët i miratojnë në afatin e duhur dhe në lexim të dytë, por arsimimi i policëve fillon që tani.

Në përshtatje me projektligjin e miratuar në lexim të parë, organet e sigurimit janë të detyruara tanimë gjatë aksioneve, në të cilat përdoret forcë fizike ose armë, të marrin të gjitha masat, që të mbrojnë dhe të ruajnë jetën e personave të arrestuar. Përveç kësaj parashikohet ndalimi i përdorimit të armëve për arrestim ose gjatë evitimit të ikjes së personit, i cili është duke kryer ose kryen një veprimtari pa dhunë, në qoftë se ky person nuk përbën frikësim për jetën dhe shëndetin e personave të tjerë. Një masë tjetër është detyrimi i një ndërprerjeje të menjëhershme të përdorimit të armës pas arritjes së qëllimit të saj të ligjshëm. Aplikohet dhe e drejta për planifikim paraprak të aksioneve policore dhe kontrollimin e tyre në ecurinë e kryerjes, me qëllim minimum rrezik për jetën dhe shëndetin njerëzor.

“Përdorimi i dhunës duhet të jetë në dozë, kurse ligji tani veprues për Ministrinë e Punëve të Brendshme mbidozon mundësinë për përdorim të armës dhe të forcës fizike”, komenton përpara mikrofonit të Radio Bullgarisë zëvendësministri i punëve të brendshme Veselin Vuçkov. Ai saktësoi se, ndryshimet në ligj do të prekin vetëm një pjesë nga nëpunësit e Ministrisë së Punëve të Brendshme. “Sipas definicionit të Evrostatit për nëpunës policor në Ministrinë e Punëve të Brendshme ka 28 dhe 31 mijë veta. Këtu përfshihen kriminalistët, me fjalë të tjera punonjësit operativë civilë, po kështu grupi policor me uniforma, hetuesit paraprak. Jashtë tyre ka dhe një përbërje shumë të gjerë të Ministrisë së Punëve të Brendshme, që bie po kështu në këtë definicion. Këta janë nëpunësit e Policisë kufitare. Si një kufi i jashtëm i Bashkimit Evropian, Bullgaria ka nevojë nga një polici shumë të fortë kufitare, në ndryshim nga disa shtete të tjera në Bashkimin Evropian. Kufitarët po kështu janë nëpunës policorë sipas ligjit për Ministrinë e Punëve të Brendshme. Me ta numri i nëpunësve të MPB të cilët kanë nevojë nga përdorimi i armës, mjeteve ndihmëse dhe forcës fizike dhe për shkak të kësaj janë të prekur nga ndryshimet e votuara, është mbi 34 mijë veta.”

Veselin Vuçkovi bindi se, ndryshimet në Ligjin për MPB nuk do t’i shtyjnë policët të fillojnë të frikësohen nga përdorimi i armës. Ai është i mendimit se pikërisht në këtë është gjetur bilanci i saktë: “Nga njëra anë të mos t’u pengojmë policëve të përdorin forcë, kur nevojitet. Nga ana tjetër të ruhet funksioni i tyre policor”, sqaroi zëvendësministri i brendshëm. Merita për bilancin e arritur nuk është vetëm e Ministrisë së Punëve të Brendshme, por dhe e grupit të përbashkët të punës, me pjesëmarrjen dhe të prokurorisë, të avokatit të popullit, sektorit joqeveritare dhe juristëve nga Drejtoria e përgjithshme “Policia publike”.

Sipas deputetit nga partia GERB dhe anëtar i Komisionit mbi sigurinë e brendshme dhe të rendit publik në Kuvendin Popullor, Krasimir Cipov masat e miratuara kundër dhunës policore mbi standardin “domosdoshmëri absolute” për përdorim të armës, kënaq

kërkesat dhe të strukturave shtetërore dhe civile. “Është shumë e rëndësishme të shënohet se, pikërisht ndryshimet sa i përket aplikimit të këtij standardi qenë të përkrahur pa kushte nga sektori i organizatave joqeveritare. Dhe pikërisht nga organizatat të cilat gjatë viteve të fundit kanë qenë shumë kritike ndaj punës së Ministrisë së Punëve të Brendshme. Pikërisht kjo duhet të vlerësohet si një arritje e këtij projektligji. Por kuptohet ne duhet po kështu të japim kontributin tonë si Parlament për pranimin sa më të shpejt dhe hyrjen në fuqi.”

Ndryshimet në Ligjin e MPB të cilat do të duhet të votohen në lexim të dytë në Kuvendin Popullor, parashikojnë akoma Drejtoria e Përgjithshme “Polici kombëtare” të bashkojë hallkat për kriminalitetin dhe krimin e organizuar. Sipas projektit të qeverisë, bashkimi është i domosdoshëm që të përfundojë reforma strukturore në ministrinë dhe kështu të arrihet një koordinim më i mirë në nivel drejtori kryesore, më në veçanti me policinë për mbrojtje dhe kriminele.

Përgatiti në shqip: Nataniela Vasileva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Kuvendi Popullor voton masa kundër dhunës policore

Më shumë nga rubrika

Gëzuar 89 vjet, Radio Bullgaria!

Një lajm i mirë – pelikani i parë i sezonit u çel pranë Tutrakanit

Radiot anembanë botës flasin për klimën

Festivali i Kukerave në Shiroka Llëka largon të keqen dhe sjell shëndet dhe begati

Një djalë me autizëm hap galerinë e tij në Dobriç

Qendrat për Integrim dhe Arsim Gjithëpërfshirës janë hapur në Pesë Bashki të Vogla