Hotelierët dhe turoperatorët në Bullgari parashikojnë ta mbyllin sezonin turistik në fund të tetorit. Ka mundësi që pushimet sivjet të zgjatin një muaj më shumë se zakonisht. Kjo ide mbështetet në parashikimin e motit dhe temperaturat e favorshme për pushime.
Sezoni i shkurtër turistik, i cili në Bullgari zakonisht zgjat jo më shumë se tre muaj, është njëra nga arsyet që hotelierët vendas të mos nxjerrin fitime të mira dhe të mos gëzojnë qëndrimin e gjatë të turistëve. Vendpushimet detare në Bullgari bëhen plot e përlot që në mesin e qershorit, ndërsa në fund të gushtit shumica e turistëve është larguar. Mirëpo, kushtet e klimës në Bullgari favorizojnë një sezon turistik i cili të zgjatë nga muaji prill deri në tetor. Problemi është që turoperatorët nuk organizojnë pushime në muajt e parë të verës. Nga ana tjetër ata nuk e bëjnë këtë sepse çdo vit hotelierët vonojnë riparimet duke krijuat një kaos të vërtetë, kështu që turistët nuk parapëlqejnë të vijnë në vend. Përveç kësaj çmimet e paketave në fillim të verës nuk janë fare të favorshme në raport me ato që ofrojnë vendet fqinje si Turqia dhe Greqia. Mirëpo, nëse jeni të interesuar për ofertat gjatë shtatorit dhe nëntorit mund t’ju dalin paketa në gjysmë çmimi për natë, si dhe shumë propozime për zbavitje. Në përgjithësi të punësuarit në degë janë të kënaqur me verën 2012. Numri më i madh i turistëve të huaj në Detin e Zi është nga Rusia. Shumë rusë janë pronarë tokash në vend. Po ashtu vijnë mjaft turistë prej Rumanisë, të cilët parapëlqejnë të bëjnë pushime në pjesën veriore të bregdetit bullgar. Shqetësimet paraprake në lidhje me atentatin në Aeroportin e Burgasit gjatë korrikut ishin të kota dhe nuk u vërejt largim turistësh.
“Për sa i përket numrit të turistëve, ai mbetet siç e kishim parashikuar – shënon rritje prej 6-8 përqindësh, sqaron z. Bllagoj Ragin, shef i Asociacionit Bullgar të Hoteleve dhe Restoranteve. – Gjithsesi do të përpiqemi të ofrojmë turizëm kulturor dhe programe relaksuese spa, kështu që të zgjatë sezoni turistik. Jemi në pritje që të përfundojë ndërtimi i autostradave që turitët të lëvizin shpejt brenda vendit. Sidomos pensionistët nga Britania e Madhe, Gjermania dhe Rusia kombinojnë pushimet detare me vizita nëpër vendin që të njihen me kulturën bullgare. Një pjesë e turistëve nga BE-ja vjen sipas programeve të ndryshme që janë me ulje çmimi, kështu që pushimet në Bullgari u dalin shumë të favorshme. Gjatë vjeshtës vendpushimet tona do të vizitohen nga njerëz që parapëlqejnë freskinë dhe qetësinë.”
Nga 30 deri në 50 për qind do të bien çmimet pas muajit gusht, parashikojnë ekspertët. Që të tërheqin turistë hotelet ne det do të ofrojnë falas banjën në pishinë, shezlongët, çadrat dhe paketat spa, po ashtu do të organizojnë ekskursione në vende turistike. Hiti i sivjetshëm janë paketat all inclusive në çmime mjaft të favorshme. P.sh. një natë përfshirë ushqimin dhe argëtimet mund të kushtojë nga 15 deri në 25 euro.
Përgatiti në shqip: Anna Kapitanova
Fotografi: Veneta Nikollova
Vendpushimi “Albena” në bregdetin veriore bullgar festoi përvjetorin e tij me 11 mijë turistë, njoftoi BTA. Shumica e të ftuarve janë nga Gadishulli Skandinav, po rritet edhe numri i francezëve, çekëve dhe polakëve. Turistët bullgarë dhe rumunë kanë..
Bazilika Episkopale e Filipopolisit është një shembull i gjallë se si mbështetet zhvillimi i turizmit kulturor bullgar, tha ministri në detyrë i turizmit Evtim Milloshev në takimin me Nancy Schiller, presidente e Fondacionit "Amerika për..
Duke filluar nga kjo verë, vizitorët në Vraca mund të eksplorojnë qytetin malor përmes turneve plotësisht falas me guidë sipas modelit të turneve të ngjashëm që ofrohen në qytetet kryesore evropiane . Ideja është që vizitori i cili është ne..
Kombinimi i një klime të favorshme, natyrës së bukur dhe ujërave të shumta minerale dhe baltës shëruese në Bullgari është i përshtatshëm për..