Aktorja Tatjana Llollova zbulon talentin e saj muzikor

botuar më 12-10-24 12.22.MD

Tatjana Llollova, e cila njihet me rolet e saj komike, është edhe këngëtare e mrekullueshme.

Foto: BGNES

00:00 / 00:00

AUDIO

Vitet e fundit Tatjana Llollova është pothuajse pa u ndërprerë në sheshin kinematografik. Dhe megjithëqë merr pjesë në disa filma televizivë, kjo nuk është pengesë për takimet e saj me publikun teatror. Bullgarët e njohin nga rolet e shumta komike të rikrijuara në skenë. Krahas talentit artistik ajo posedon edhe dhunti prej një këngëtareje të mrekullueshme.

Tatjana Llollova mbaroi Institutin e Lartë të Artit Teatror në klasën e profesorit Stefan Sërçaxhiev. Shfaqjet e para në skenë ishin që në vitet studentore. Karrierën e nisi në teatrin e qytetit Ruse. Në fund të vitit 1956 ishte artistja e parë, që u emërua në Teatrin e porsakrijuar Satirik në kryeqytet. Atje ajo rikrijoi role të ndryshme të paharrueshme. Në vitin 1978 Tatjana Llolova u transferua në teatrin “Sofje”. Krahas kësaj ajo është nga ata artistë, të cilët shpesh herë marrin pjesë në programet e Radios Kombëtare Bullgare, gjë që i sjell një popullaritet të madh. Tatjana Llolova ishte ndër artistët pjesëmarrës në Festivalin e Këngës Satirike “Zllatnija Kos” ose në përkthim “Mëllenja e Florinjtë”, të cilin Radioja Kombëtare Bullgare organizonte vite me radhë. Për këtë periudhë Tatjana Llolova kujton:
“Para vitesh, kur shefe e redaksisë “Humori, satira dhe argëtimi” pranë Radios ishte Katja Vodeniçarova, autorët e programeve humorisike vendosën, se artistët duhet të këndojnë. Ose të paktën disa prej tyre. Ata organizuan krijimin e këngëve të përshtatshme për artistët komikë, dhe angazhuan disa muzikantë dhe disa artistë, të cilët ta interpretojnë. Edhe unë isha ndër të zgjedhurit. I besova në forcat e veta në sajë të mjeshtrit Dimitër Vëllçev. Ai punonte në Teatrin Kombëtar të Operës, por ishte ndër bashkëpunëtorët më të respektuar të Radios Kombëtare Bullgare. Ai ishte edhe ndër krijuesit e këngëve, të cilët i interpretuan artistët. Mirëpo, kryesorja ishte, që ai u ndihmoi shumë artistëve të zbulojnë talentin e tyre muzikor. Para vite në teatrot e mëdha të kryeqytetit kishte edhe orkestra dhe kjo jepte një mundësi të madhe për pasurimin e shfaqjeve. Patëm fatin, se dirigjent i orkestrës së Teatrit Satirik ishte Mitko Vëllçev – një muzikant i përsosur, dhe një njeri shumë këmbëngulës. Kur punonte me mua, ai më inkurajonte të vazhdojë përderisa nuk do të arrijë rezultatin më të mirë. Në fakt kënga e parë, të cilën e incizova ishte i atij, dhe kjo ishte shumë kohë para Festivalit të Këngës Humoriste të Radios Kombëtare Bullgare.”

Megjithëqë është pothuajse 80 vjeçare Tatjana Llollova vazhdon karrierën aktive artistike. Ajo e shpjegon vitalitetin skenik ashtu: “Unë jam një njeri optimist. Si artiste respektoj disa të rregulla, që janë të detyrueshme për formën e mirë. Më frymëzojnë të gjithë, me të cilët komunikoj. Më pëlqej të bëjë shaka dhe është një përparësi për mua, se punoj kryesisht me njerëz, që në moshë janë më të rinj. Kontakti me ta më mbush me energji dhe vitalitet. Përpiqem t’u transmetoj kolegëve të rinj gjithçka, që mësova gjatë karrierës shumëvjeçare.”

Bashkëpunimi i artistes Tatjana Llollova me Radion Kombëtare Bullgare ka një histori të pasur dhe të gjatë: “Punova në redaksinë “Humori, satira, argëtimi” të radios. Krahas kësaj para mikrofonit kamë lexuar shumë tekste poetike. Vite me radhë isha drejtuese e një programi i redaksisë “Muzika Popullore”. Më pëlqen folklori bullgar, por nuk mund të interpretojë asnjë këngë popullore. Krahas kësaj mora pjesë edhe në emisionet e gjuhës franceze të Radio Bullgarisë. Kështu që Radioja Kombëtare Bullgare është një institucion, i cili ka rëndësi të madhe në jetën time.”

Përgatiti në shqip: Svetllana Dimitrova

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

Aktorja Tatjana Llollova zbulon talentin e saj muzikor

Më shumë nga rubrika

Mbi 4000 studentë nga e gjithë bota duan një stazh në institutin INSAIT në Sofje

Rrethi i Jetës: Si Rodopet Lindore u bënë një model për një ekosistem të rimëkëmbur

Në Festën Kombëtare, trengjyrëshi bullgar ndriçoi ndërtesat në Tiranë