Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kisha Ortodokse Bullgare shënon Ditën e të Vdekurve

Foto: BGNES
Kur ndonjë prej të afërmve, ose miqve tanë ndahet nga jeta, themi se bashkë me të vdes një pjesëz nga vetë ne. Qenia e gjallë tashmë nuk ekziston, por mbetet ndenja që na ka lidhur, që të mbushë me kujtime të bukura boshllëkun e ndarjes. Në qoftë se besojmë në pavdekshmërinë e shpirtit, na qetëson mendimi se shpirtrat e njerëzve të dashur kanë shkuar në botën më të mirë të përtejmë. Prandaj i drejtojmë Zotit lutje për t’i vendosur shpirtrat e të afërmve tanë të vdekur në një vend të bukur, ku nuk ka as dhimbje, as trishtim, as psherëtima.

Sipas traditës së krishterë ortodokse këto lutje e ndihmojnë shpirtin për të gjetur rrugën e jetës së hareshme. Kisha na këshillon për t’u lutur çdo herë, kur dhimbja për të afërmit tanë na pushton. Sipas besimeve pikërisht dhimbja është thirrja e shpirtit të të vdekurit për t’u lutur për të. Prandaj konsiderohet se lutjet e të gjallëve ndihmojnë për faljen e mëkateve të të vdekurve. Në Dhiatën e Re Krishti thotë se shpirtrat e të ndershmëve ndodhen në vendin e gëzimit, ku jetojnë, ndiejnë dhe mendojnë, kurse shpirtrat e mëkatarëve janë në vendin e dhimbjes, ku vuajnë, kuptojnë gjendjen e tyre të keqe dhe u vjen keq për jetën e tyre të mëkatshme në tokë. Megjithatë edhe për ta ka shpresë, në qoftë se në kohën e kaluar në tokë janë penduar për mëkatet e bëra. Ne, të gjallët, mund të lutemi për shpëtimin e tyre jo vetëm në lutje të veçanta, por edhe në përkujtime dhe duke dhënë lëmoshë.

Përveç ditëve të veçanta dhe përvjetorëve të veçantë, kur nderohet kujtesa e të vdekurit, kisha ka përcaktuar ditë të veçanta për nder të të gjithë të vdekurve. Ato gjithmonë bien ditën e shtunë, sipas shembullit të Krishtit, i cili këtë ditë ishte me trupin e tij në varr. Prandaj ditën e shtunë shërbehet liturgji për paqe dhe kujtim. Këtë ditë mbahen dhe përshpirtjet. Në kalendarin ortodoks ka gjithashtu tri të shtuna speciale – Ditët e të vdekurve: ditët me të gdhirë të Lidhurat e Mishit, Rrëshajat dhe Dita e Arkangjel Mikailit.

E shtuna, e cila paraprin festën e madhe të Shën Arkangjel Mikailit më 8 nëntor, është një prej tri festave të mëdha të krishtera të lartpërmendura kushtuar të vdekurve. Këtë ditë vizitojmë varret e të afërmve tanë të vdekur, i pastrojmë dhe i përgatitim për dimrin. Derdhim verë të kuqe – simbol i gjakut të Krishtit dhe ndezim një qiri në varr si shenjë nderi dhe besimi në pavdekshmërinë e shpirtit. Temjanimi në varr është shprehje e lutjes sonë të pastër për shpëtimin e shpirtit, kurse lulet që vëmë, rikujtojnë për virtytet e të afërmit të dashur, i cili nuk është ndër të gjallët. U japim të afërmve dhe të njohurve bukë dhe grurë, simbol i pavdekshmërisë, si dhe ëmbëlsira të vogla, që të jetë e lehtë jeta e përtejme e të vdekurit. Kjo dhënie e ushqimit quhet gjithashtu lëmoshë, prandaj, në qoftë se afër nesh nuk ka njerëz të afërm, u japim lëmoshë të panjohurve me fjalët “Zoti të faltë”. Disa besimtarë shtrojnë tryezën, ku përveç pites, verës dhe grurit, të cilat janë të detyrueshme, vënë dhe gjellët e dashura të të vdekurit.

Gjatë përshpirtjes para Ditës së Arkangjelit, nderohet kujtesa jo vetëm e të afërmve të vdekur, por e të gjithë ushtarëve bullgarë të vdekur për atdheun.

Përgatiti në shqip: Vesella Mançeva
По публикацията работи: Darina Grigorova


Последвайте ни и в Google News Showcase, за да научите най-важното от деня!

Më shumë nga rubrika

Foto: Pixabay, wikipedia.org;
kolazhi: Ivan Petrov

Ljuben Karavellovi dhe lufta e popullit shqiptar për pavarësi

Revolucionari i madh Ljuben Karavellov (1834-1879), shkrimtar dhe publicist i Rilindjes sonë, ka lënë një gjurmë të thellë në letërsinë bullgare si prozator, poet, fejtonist, kritik i letërsisë. Ljuben Karavelllovi ishte dhe udhëheqës i Lëvizjes Çlirimtare..

botuar më 24-11-28 7.00.PD

Një nip i perandorit Oktavian Avgust është rikrijuar ndoshta në statujën e parë nga Herakleja Sintika

Statuja e parë prej mermeri e zbuluar më 3 korrik në qytetin antik Heraklea Sinthika është ndoshta e nipit të perandorit romak Oktavian Avgust - Lucij, njoftoi udhëheqësi i gërmimeve, Prof. Ljudmill Vagalinski. “Nuk ka dyshim se statuja është nga..

botuar më 24-11-26 10.59.PD

Zbulimet e fundit arkeologjike në Kështjellën Urviç ringjallin legjendat për mbretin Jasen

Në rrugën Sofje - Samokov përballë rrjedhës së lumit Iskër, pranë kthesës së madhe piktoreske midis fshatrave Kokaljane dhe Pasarell pranë Urës së Djallit ndodhet kodra Srednobërdie. Aty lumi Vedena derdhet në lumin Iskër dhe malet Lozen dhe..

botuar më 24-11-24 10.35.PD