Duke u përmbytur në jetën e përditshme plot angazhime kryeqytetasit bullgarë nuk vlerësojnë zonat e gjelbra të Sofjes. E kundërta, të huajve u bën përshtypje pikërisht gjelbërimi i Sofjes. Popullsia në kryeqytet është gati 2 mln banorë dhe trafiku ndonjëherë është i tmerrshëm. Mirëpo, përreth rrugëve dhe bulevardeve me trafik gjenden kopshte, lulishte dhe parqe. Në rrëzë të malit Vitosha shtrihet Kopshti i Mbretit Boris III. Ky është parku më i bukur dhe më i vjetër në kryeqytet. E quajnë atë “Mushkërinë e gjelbër të Sofjes”.
Kopshti i Borisit është njëri nga vendet e preferuara për çlodhje dhe shëtitje. Po ashtu kryeqytetasit bëjnë sport në të. Në park gjenden dy stadiumet e mëdha “Vasil Levski” dhe “Ushtria Bullgare” (Bëllgarska Armia) ku rregullisht zhvillohen ndeshje sportive kombëtare dhe ndërkombëtare. Këtu gjendet edhe liqeni artificial “Ariana” ku gjatë stinës së verës banorët e Sofjes ngasin varkë, kurse gjatë dimrit – bëjnë patinazh. Në afërsi të “Arianës” gjendet Monumenti i Ushtrisë Sovjetike që sot është kthyer në një vend të rrëshqitjeve me skejtbord.
Kopshti i Borisit është i përshtatshëm edhe për biçikletistët, kurse gjimnastët përfitojnë nga pajisjet e vendosura në mes të tij. Çdo mëngjes mund të shihen njerëz që ushtrojnë sportin e vrapimit para fillimit të ditës së punës. Për ata që preferojnë lojërat me top, janë ndërtuar fusha të vogla futbolli, tenisi e golfi.
Gjatë stinës së verës frekuenca e vizitave është më e madhe në parkun e litarëve “Kokolandia”. “Këtu njeriu largohet nga kompjuterët dhe nga e gjithë kjo elektronika e cila pushton mendimet tona, këtu çdokush mund të zhvillojë aftësitë e veta fizike”, sqaroi pronari i parkut “Kokolandia”, z. Borisllav Gergiev. Pajisjet janë të bëra nga materialet natyrore dhe nuk ka gjë të mekanizuar. Për çfarë bëhet fjalë?
“Parku përbëhet nga pesë qarqe litari në nivele të ndryshme të vështirësisë. Qarkun më të lehtë e kalojnë fëmijët e moshës 5-6 vjeçare – tregon z. Gergiev. – Qarqet e tjera janë për adoleshentët dhe të rriturit. Qarku i pestë, më i vështiri, është një sfidë serioze për njerëzit që e kanë fizikun shumë të fortë. Në parkun e litarëve nuk ka kufi të përcaktuar për pjesëmarrje. Disa 70-vjeçarë kanë provuar fuqitë e veta. Po ashtu kemi siguruar edhe një mur për sportin e ngjitjes së lirë. Fëmijët mund të ngjiten në lartësi prej 7-metrash, si dhe të hedhin nga lartësia (bungee jumping).”
Përgatiti në shqip: Anna Kapitanova
Përderisa Bullgaria po përjeton krizën e radhës politike, ndjenja e të qenit të humbur po thellohet, dhe ndarja dhe pakënaqësia në shoqëri mbizotërojnë, ka një sektor që arriti të thyejë këtë kontekst të errët - turizmi . Në vitin 2024, vendi ynë..
Ruse tani mund të mburret me urën më të gjatë prej druri të ndërtuar për këmbësorët në Bullgari. Objekti është hapur në fund të vitit 2024 në Parkun Pyjor të Lipnikut. Ura me gjatësi totale 28 m është e pajisur me parmakë xhami dhe 7 dritare prej xhami..
Flamingoja rozë konsiderohej një specie ekzotike për Bullgarinë, por prej disa vitesh koloni të tëra kanë zgjedhur liqenet përreth Burgasit si vendbanimet e tyre. Aktualisht, më shumë se 450 gjallesa banojnë në zonat e lagështa të Burgasit. Shpendët..
Vranësira të dendura
Pjesërisht me re