Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Programorët – me pagat më të larta në Bullgari

Foto: EPA/BGNES
Specialistët në fushën e teknologjisë së informacionit në Bullgari janë të paguarit më mirë. Rroga e mesme është rreth 1160 euro. Megjithëse marrin mjaft para për standardin e jetesës në vend, rrogat në sektor vazhdimisht rriten. Të dhënat e hulumtimeve tregojnë se programorët dhe farmacistët paguhen shumë mirë. Rroga e mesme në periudhën janar-shator u rrit me gati 25 euro dhe arriti 392 euro. Mirëpo, kjo rritje u bë në llogari të rritjes dinamike të pagave të larta. Sipas hulumtimit të gazetës vendase “24 orë” shpërblimet e ulëta a nuk lëvizin fare, a rriten minimalisht.

Sipas të dhënave të Dhomës Bullgare të Bujqësisë paga në industrinë e nxjerrjes u rrit me afro 200 euro dhe gjatë shatorit arriti 750 euro. Me gati 50 euro u rritën rrogat e mesme gjatë nëntë muajve të parë të vitit në fushën e prodhimit të koksit dhe të produkteve të naftës së rafinuar. E njëjta rritje vërehet në sektorin e energjetikës, ku paga arriti afro 750 euro. Edhe shpërblimet mujore të financierëve dhe specialistëve në fushën e sigurimeve u rritën gjithashtu me 50 euro në raport me një vit më parë. Rroga mesatare e botuesve, producentëve të filmit dhe të punësuarve në radio dhe televizion arriti 550 euro.

Më pak të paguar janë të punësuarit në administratë. Nga fillimi i vitit paga e tyre u rrit mezi me 5 për qind. Në fushën e hotelerisë rritja e shpërblimeve mujore është në varësi të sezonit turistik, sqaron z. Grigor Dimitrov, drejtor i Departamentit të Sigurimeve pranë Dhomës Bullgare të Bujqësisë. Rroga mesatare e mësuesve vazhdon të jetë pak mbi 350 euro, d.m.th. tri herë më pak se paga fillestare e programorit dhe njëkohësisht dy herë më e ulët se paga e specialistit në fushën e sigurimeve. Në sektorin e shëndetësisë gjendja është kritike. Rroga mesatare mujore është rreth 370 euro. Nëntë muajit e parë të vitit u rritën pagat në fushën e bujqësisë. Znj. Violeta Ivanova nga Instituti i Hulumtimeve Sociale dhe Sindikale pranë Konfederatës së Sindikatave të Pavarura në Bullgari sqaron se rritja e shpërblimeve në fushën e bujqësisë kanë të bëjnë me shkurtimet nga puna, si dhe me subvencionet e shtuara për bujqësorët. Megjithë rritjen e shënuar në bujqësi, shpërblimet mujore vazhdojnë të jenë mbi nivelin mesatar të vendit.

Mbi nivelin e rrogës mesatare në Bullgari janë shpërblimet në industrinë e ushqimit dhe tekstilit, në prodhimin e lëndëve të drurit, në fushat e ndërtimit, tregtisë, hotelerisë, veprimeve administrative dhe të kujdesit mjekësor e social. 313 mijë bullgarë marrin pagë deri 300 euro. Rroga mesatare në sektorin publik është më e lartë se ajo në sektorin privat, thotë z. Dimitrov. Gjithnjë e më pak firma private rrisin shpërblimet mujore për shkak të krizës ekonomike. Edhe pse rriten çmimet e energjisë elektrike, tatimet dhe taksat, shumë firma private fillojnë të punojnë në sektorin ilegal të ekonomisë.

Vazhdon të thellohet dallimi midis qyteteve të mëdha dhe të vogla për sa u përket punësimit dhe pagave, hulumton Dhoma Bullgare e Bujqësisë. Çdo i dyti i punësuar në Bullgari është me banim në kryeqytet dhe në qytetin e dytë për nga madhësia, Plovdiv. Gjithsej tre e katërta e të punësuarve është përqendruar në 10 qytetet më të mëdha të vendit. Ndërkaq, në rrethet Montana (Bullgari Veriperëndimore), Silistra (Bullgari Verilindore), Smoljan (Rodopet e Mesme) etj., popullsia po pakësohet. Në shumicën e qyteteve bullgare rroga mesatare mujore është mbi 300 euro.

Përgatiti në shqip: Anna Kapitanova
По публикацията работи: Millka Dimitrova


Последвайте ни и в Google News Showcase, за да научите най-важното от деня!

Më shumë nga rubrika

Foto: Ministria e Arsimit dhe Shkencës

Nxënësit bullgarë fituan 9 medalje nga olimpiadat e fizikës në Iran dhe Gjeorgji

Nxënësit bullgarë fituan pesë medalje - një të argjendtë dhe katër të bronzta - në Olimpiadën Ndërkombëtare të Fizikës në qytetin Isfahan, Iran. Në garë morën pjesë 198 pjesëmarrës nga ekipe nga 46 vende. Medaljen e argjendtë e fitoi Bajan Geçev..

botuar më 24-07-29 5.41.MD

Një shoqatë joqeveritare me një fushatë për t'u marrë me plehërishtat e parregulluara në vendin tonë

Shoqata "BG Ji Aktiv" (BG Бъди активен) fton organizatat joqeveritare, klubet sportive dhe institucionet arsimore për të inkurajuar organizimin e veprimtarive të pastrimit dhe bisedave edukative në lidhje me fushatën "JO plehërishtave ilegale", me..

botuar më 24-07-28 9.25.PD

Shkolla Verore e Gjuhës Bullgare përfundoi me sukses

Ditët e fundit, nga 19 deri më 25 Korrik, ishin më të bukurat për pjesëmarrësit në Shkollën Verore të Gjuhës dhe Kulturës Bullgare . Ato ishin të mbushura plot me emocione që do të ngelen në memorien e tyre për një kohë të gjatë.  U mbyll me..

botuar më 24-07-27 10.30.PD