Presidenti Plevneliev: “Le ta kursejmë energjinë elektrike”

botuar më 12-12-13 12.13.MD

Presidenti Plevneliev ia dorëzoi çmimin qytet më të gjelbër kryebashkiakes Jordanka Fandëkova

Foto: BGNES

Për vit të dytë me radhë në prag të festave të fundvitit u dalluan “qytetet më të gjelbra” në Bullgari. Vitin e kaluar kriteret kryesore kishin të bënin me gjelbërimin, rrugët e posaçme për biçikleta etj. Sivjet theksi u vë mbi efikasitetin energjetik. Ministria e Mjedisit ishte organizatore e Fushatës kombëtare “Bullgaria e Gjelbër”, pjesë e së cilës është konkursi “Qyteti më i gjelbër”. Bashkitë në vend garuan se cila sa ka pakësuar emisionet e gazit serrë dhe sa energji elektrike ka kursyer në bazë të masave të ndërmarra për efikasitet energjetik.

Më 12 dhjetor u mbajt ceremonia e dekorimit në Muzeun “Toka dhe njerëzit” në Sofje. Presidenti Plevneliev theksoi: “Nëse punojnë në paqe, kemi paqe, nëse punojmë për luftë, jemi në luftë. Nëse konsumojmë pa llogari, do të shndërrojmë planetin tonë në shkretëtirë – tha presidenti. – Nëse besojmë se energjia e kursyer është energjia më e lirë, atëherë duhet të startojmë programin e efikasitetit energjetik në vlerë miliarda euro. Bullgaria ka vizionin e saj të qartë – do të investojmë në efikasitetin energjetik. Sot kur konsumi i energjisë elektrike është tepër, kur shumë vendbanime janë kërcënuar me popullim të madh, Bullgaria e ka shansin të shndërrohet në një Zvicër të vogël në rajon, duke bërë politika të mira dhe duke përfituar nga puna e ekspertëve.”

Në Sofje kreu i shtetit bullgar dha çmimin në kategorinë e qyteteve më të mëdha të gjelbra, kurse në qytetin Koçerinovo, Bullgari Perëndimore – në kategorinë e komunave. Kryeqyteti u dekorua falë masave të ndërmarra për efikasitet energjetik që efikasitet ka çuar në kursimin e më se 10 kg dyoksid karboni për frymë.

“Dy vitet e fundit në më se 100 ndërtesa bashkiake u ndërmorën masa për efikasitet energjetik. Bëhet fjalë për shkolla dhe kopshte të fëmijëve – sqaroi kryebashkiakja Jordanka Fandëkova. – Kemi fituar disa projekte të fondit “Kozlloduj” për një efikasitet të plotë energjetik në 23 kopshte dhe 7 shkolla që projekte do të zbarojmë vitin në vijim. Po ashtu kemi fituar një projekt për ndriçimin e qytetit. Ky projekt parashikon menaxhim të sistemit të ndriçimit dhe zëvendësim me llamba të kursimit të energjisë elektrike. Do të realizojmë edhe projekte të tjera në të ardhmen.”

“Mendo në të gjelbër” është motoja e politikës kombëtare, bëri të ditur Ministrja e Zhvillimit Rajonal dhe të Urbanizimit, znj. Liljana Pavllova. Sipas fjalëve të saj ky lloj mendimi do të jetë baza e Programit Operativ “Zhvillimi rajonal” që program financohet nga KE-ja në periudhën 2013-2020. “Prioriteti kyç është zhvillimi i gjelbër i qyteteve. Mbi 1 mlrd euro janë investimet të cilat parashikojmë për këtë veprimtari. Për qëllim e kemi mënyrën e jetesës sipas parimeve ekologjike në qytete. Biznesi gjithashtu mund të përfitojë nga efikasiteti energjetik. Masat e tij përbëjnë një minierë “ari” për ekonominë e Bullgarisë. Falë këtyre masave do të pakësohen emisionet e dëmshme, po ashtu do të kursehet 50 për qind e shpenzimeve për ngrohje. Nga ana tjetër këto masa do të hapin vende të reja të punës.”

Sipas të dhënave të Ministrisë së Mjedisit dhe të Ujërave në 33 bashki të Bullgarisë ku zbatohen masa të efikasitetit energjetik janë kursyer 146 mijë tonë të emisioneve të dëmshme, 156 mln kilovatë orë të energjisë elektrike dhe 14 mln euro shpenzime për rrymë. Projektet u financuan kryesisht nga programi operativ “Zhvillimi rajonal”, po ashtu edhe nga fondi i specializuar “Kozlloduj” dhe Fondi ekologjik kombëtar i besimit.

Përgatiti në shqip: Anna Kapitanova

По публикацията работи: Maria Dimitrova-Pisho

Последвайте ни и в Google News Showcase, за да научите най-важното от деня!

Ndaje

Presidenti Plevneliev: “Le ta kursejmë energjinë elektrike”

Më shumë nga rubrika

Cilat janë kushtet që të huajt të përfitojnë kujdes shëndetësor në Bullgari?

Java e kinologjisë në Burgas

"Trabant Fest" në Tetevenin Ballkanik

Shkolla bullgare e së dielës në Edrene ka nevojë për më shumë klasa

Prof. Ljubomir Gavrillov: Në raundin e parë, francezët votojnë me zemër, dhe në të dytin - me mendjen e tyre